رواية الأقدار

ظلـــــــم الأقـــــــدار
☻رامي شاب عمره27 جميل جذاب عصبي ,, طويل ابيضاني شوي ,, خريج جامعه يشتغل مع ابوه في الشركه,,,
ابوه غصبه بالزواج من بنت شريكه لانه عليه ديووووون وايد وما قدريسددهن وبحكم العشره اللي بينهم ما حب يدخله محاكم وبلاوي عشان كذا اتفقوا الشركاء على هذا الحل والضحيه رامي وبنت شريكه اللي اسمها لمى ,, رامي رفض هذا الزواج من البدايه بس ما قدر يخالف اوامر ابوه اكثر من كذا وآخيرآ رضخ للأمر الواقع (تجري الرياح بما لاتشتهي السفن)
والحين راح اخليكم مع احداث القصه وأتمنى تعجبكم☻
البــــــــــــــــــــارت الاول
***************
اليوم هو يوم عرس رامي من لمى ....
في بيت رامي رامي ناااايم ولا داق براسه شى (متهني الحبيب) ,, جات امه وهي معصبه وايـــــــــــد عليه تصحيه وهو مو راضي يصحى
ام رامي: راميووووووووه وجع قوم اصحى ما كانه اليوم عرسك جالس نايم لين الحين يالله قوم بسرعه اصحى ..... قربت منه وشالت البطانيه
رامي: اففففف يمه ، شو صاير خليني انام شوي
ام رامي بعصبيه وبصراخ : شو تنام الحين شوف الساعه كم ؟؟
رامي وهو يتمغط: يمه ما ابي اتزوج ,, ما ابيها افهموني , افهميني يمه بليز
ام رامي:وشو تبينا نسوي هذا نصيب.. ومو بايدنا نرده
رامي وهو يوقف: اووووووو نصيب نصيب ماأبيها ما احبها ,, انتو ليش ما تفهمون علي ,, ليـــــــــــش هاه ؟؟؟؟
ليش حظي ف دنيتي أنا كذا_ ليش مو رويد .. لازم المصايب تطيح ف الكبير يعني
اخوات رامي مرتبشات مره كل وحده تسوي شى على عكس اخوهن طبعآ ,,, راح اعرفكم عليهن: روعه عمرها23 سنه تشتغل في المستشفى تخصص مختبرات
رؤى و رضى (توأم) عمرهن 20 سنه يدرسون في الجامعه ,,بنفس الملامح كانهم شخص واحد,, لولاالشعر.... رضى قاصته صغير لين الكتف اما رؤى مخلتنه طويل لنص ظهرها,, رغد الاصغر من البنات 16 سنه ثاني ثانوي
اما اخوانه عنده اخ واحد رويد 25 طايش ومو قد المسؤليه ابدآ ...
من مجمع لمجمع بس,,, طرد من الجامعه بسبب فشله فيها
والحين راح نرد للعرس.......
الكل فرحان ومبسوط الا رامي اللي شايل هموم الدنيا كلها براسه ’’ كيف راح ينسى حبيه قلبه لين اللي عشقها عشق ما عشقه انسان,, "لين" حياته ..عمره.. قلبه.. كيف بيتزوج غيرها كيف واليوم راح يرتبط بانسانه عمره ما عرفها ولا شافها ؟؟
رامي جاعد بغرفته يفكر بنفسه وبالحاله اللي وصلها اليوم ,, خلاص يا لين انا اليوم انتهيت,, مالي امل اخذك يا لين ما لي امل خلاص,, والله ما بتركك يا لين ,, ما بتركك عهد مني,, رامي وهو ماسك تلفونه
ويفرفر فيه مر ع رقمها (نبض قلبي) وقرر يدق عليها ...
اذا تحبني اكيد راح ترد علي
ودق ورننننننننننننن رنننننننن تلفونها بس ما احد رد
ودق مره ثانيه ورنننننننننننننن
بس ردت وبصوت مخنوق....
لين: آلووو
رامي: هلا ليونه حياتي
لين بحزن: انت ليش متصل فيني؟ شو تبي مني رامي؟
رامي: انا احبك ومستحيل راح اتخلى عنك طال الزمن ولا قصر
لين ودموعها مليانه عيونها:كيف واليوم عرسك؟ فهمني تكفى حبيبي
رامي والغصه ف صدره:انتي تدري اني مغصوب ع هذا الزواج ..
وعمري ما حبيت احد كثرك ,,انتي حياتي وعمري وكل هلي وناسي انتي نبض قلبي يا روحي
لين يزيد بكائها اكثر:.........
رامي: تكفي لا تزيديني تكفي اسكتي دموعك غاليه عندي وايد ,,انا ما راح اتركك راح اكون معك للأبد
قاطعته لين: كيف وانت اليوم بتكون معها بنفس السرير كيف راح اتحمل كل هذا .. تقدر تقولي شلون استحمل خلى نفسك مكاني
(حط نفسك في مكاني كيف اتحمل زماني&&&جرب احساسك عشاني&&& قول والباقي علينا قول والباقي علينا)
رامي: تكفين خلاص اسكتي انا ما بتحمل دموعك اكثر حياتي
انا مشاعري مستحيل تكون حق انسانه غيرك مستحيل راح المس مخلوقه غيرك انتى تفهميني حبيبتي
لين: وشو يضمنلي ها؟
وانت بتكون معها اليوم اليوم بعد ساعات قليله
رامي: لا تخافين ,. راح اثبتلك.. الحين بخليك وما ابي تنزل منك ولا دمعه
لين: انشاء الله لا تحاتا ودير بالك على نفسك
رامي: اوكي باي عمري
مرت ساعات العرس بسرعه والكل راح لبيته ,, وراح رامي مع عروسته الى الفندق .....
دشت لمى بفستانها الابيض الطويل اللي لاف ع رقبتها ونص ظهرها طالع ,, ومع التسريحه والميكب البسيط طالعه ولا اروع ,, بس مين يشوفها ورامي بعيد عنها كل البعد افكاره كلها مع لين اللي ماخذه عقله وروحه ,,ومن دشت ما تكلم معاها ولا كلمه ,, ولا حتى ناظرها ولا شى جلست على طرف السرير وهو ما زال واقف نفس وقفته ع الباب وحاط ايدينه ع صدره وهموم الدنيا كلها براسه ,, بعدها تكلم وهو على نفس وقفته وراسه بالارض
رامي: لمى انتي تدرين اني مغصوب عليك ... ولو مو ابوي ما كنت تزوجتك او حتى فكرت فيك... اللي ابيك تفهميه اني ما ابيك<<< قالها ولا راعها ابد انها بعدها بالفستان الابيض
لمى وعيونها تدمع: وانا وش ذنبي ؟؟
رامي بعصبيه: ذنبك انك بنته والله ما بخليك تتهني معاي ,, راح اخليك انتي وابوك تندمون وتبكون دم بدل الدموع
لمى بصوت مبحوح : من اولها عيشتي معاك كذا وربي حرام ظلم
رامي بصوت عالي: حرمت عليك عيشتك قولي آمين وضرب يده بقوه ع الجدار وطلع....
اما لمى جاعده نفس جلستها وتركت لدموعها العنـــــــــان لتعبر عن شعورها ,, هي كانت تدري انه ما يبيها بس ما توقعت انه بيعاملها بنفس هذي المعامله ومن اول يوم ‏ψψψψ
اما رامي طلع من الفندق ودق على لين حبيبة قلبه ,, لانه محتاجها فهذي اللحظه كانت الساعه 2 الفجر وعارف انها ما بتكون نايمه وين بيجيها النوم وحبيبها معرس اليوم<<< ااااآآآآه يالقهر
ردت ع طول ما توقعت باتصاله و بيوم عرسه بعد
لين: هلا رامي صاير شي .. فيك شي حبيبي قول اسمعك
رامي : انا محتاج لك يا بعد هلي وناسي احس بظيقه احس بجسمي كله مكسر تعبان يا بعد عمري
لين : سلامتك من التعب .. شو صاير؟؟ وينها زوجتك؟؟
رامي وعيونه كلها دموع : تركتها بالفندق مالي خلقها .. ابيك انتي ياليتك كنتي انتي بدالها_ أنا ما ابيها اكرها
لين : يعني تحبني ؟؟
رامي: الا اموت فيك حياتي ,, ما ابيها اكرها اكرها من كل قلبي ما ابيها ابيك انتي ليون
لين: فديتك حبيبي وانا بعد بموت فيك والحين زاد حبي لك اظعاف اظعاف ,, لا تشيل هم بس انت اضحك شوي
رامي: خلاص ولا يهمك حياتي انتي تامرين امر
وجعدوا يسلفون ساعات ورامي ناسي المسكينه اللي بالفندق .. يوم زواجها وتركها وشو راح يسوي ف الايام الجايه؟؟
من بعد ما تركها راحت وغيرت ملابسها وهي تلعن حظها ونامت بعد ما بكت وبكت ..............

البــــــــــــــــــــــارت الثاني
من بعد رامي ما خلص مكالمته راح ع الجناح وشافها نايمه ولا اهتم فيها دخل الحمام وتروش وسمع الاذآن وصلى ونااااااااام ف الصاله طبعا ......
♪♪♪♪♪♪♪♪♪♪♪♪♪♪
ما نفترق لو فرق الموت خلان
اموت انا وياك والقبر دورين ...
اصل الفراق موت وهموم واحزان !!
وانا بدونك ما اقدر تعيش يومين
لا والذي رفع السماء بغير عمدان
مقوى الفراق المر من ناس غالييييين
في بيت بو رامي....
ام رامي جاعده في الصاله ثشرب كوفي ..ونزلن رؤى ورضى بهواشهن يمممممممممممممه ,, مااااااااماااااااا
ام رامي: خير شو فيكن انتي وياها,,, ليش تصارخن الله يقطع سوالفكن
رضى: يمه قوليلها جاعده تطفر فيني
رؤى: ماماتي هيه مطفره فيني
ام رامي: استغفر الله .. صدعتوني انتي و ياها
رؤى : افااااااا ماماتي احنا صدعناك
رضى : اصلا احنا حلا البيت
ام رامي : صحيح والله واظح هذا الحلى
رؤى : ماماتي وين رغد ما اشوفها هنيه
ام رامي : شو هذي ماماتي بعد
رؤى بدلع : ماماتي هذا دلع يمه الموضه
ام رامي : موضه ف عينك
رضى انفجرت ضحك: ههههههههههههههههههههههههههههههه
رؤى : ماماتي شوفيها تضحك علي
ام رامي: استغفر الله عليكم يالله انتي ويا ها انقلعن من هنيه بالعافيه احسن لكم
رضى تقلد رؤى : نزين ماماتي
ام رامي: بسألكم انتو كم عمركم الحين
رضى ورؤى: 20 لييييييييه؟؟
ام رامي : متأكدين؟؟!!!!
رضى ورؤى : مليووووووووووون في الميه
ام رامي بعصبيه : عشان هذي الحركات اللي تسوونها حركاااات يهال.. مو حركات بنات كبار ف عمر 20
وقامت ام رامي كأنها بتظربهن ... وعلى طول قامن من مكانهن بسرعه رككككضضضضضضضضضضضض وصوت ضحكاتهن مالي البيت....<<<<الله يعطيكن عقل
الا ورويد طالع من غرفته : خير يمه شو فيهن هذا التوأم المجنون
ام رامي: انت قلتها توأم مجنون ,, يعني ليس ع المجنون حرج ههههه
رويد: حركات ام رامي
ام رامي: اشوفك كاشخ وين رايح ؟؟
رويد: يمه طالع ويا الشباب
ام رامي: انت مو وراك غير الهياته ف الشوارع
رويد بزعل: يمممممممممه
ام رامي : اللهم مطولك ياروح
رويد: سي يو مام
ام رامي: الله يهديكم بس,,, شو هذي بعد مام؟!!
رويد: ههههههههه
راح نرد حق العرسان في الفندق .. من بعد ما صحت لمى وسبحت وصلت شافت رامي نايم وما صحته خلته ,, وراحت لعند تلفونها وبطلته حصلت مكالمتين من المها صديقتها و مكالمه من اختها لمياء ,,, لمياء اختها الاصغر منها 21 تدرس بالجامعه .. اتصلت بالاول على صديقتها المها وبعدها اتصلت ب لمياء ,, وعلى صوتها صحى رامي وهو فقمة عصبيته لانه ما يحب احد يزعجه وهو نايم وراح لها في الغرفه :هيه انتي ماتعرفين توطين صوتك شوي ماتشوفيني نايم هاا
لمى تفأجأت ماتوقعت انه راح يكلمها بهذي الطريقه
لمياء ع الخط: ايوه لمى وين رحتي لمويه لمى
لمى وهي فاتحه فمها وتطالع اللي واقف قدامها :.................
رامي بعصبيه اكبر: هيه انتي اكلمك ترى ما تسمعين طرشا ولا شوووو؟؟؟
لمى دايركت سكرت السماعه عن اختها وتوها بترد عليه ... الا وتشوفه جاي لعندها ومسكها من كتفها: انتي ليش ما تردين ,, مره ثانيه ما ابغيك تزعجيني وانا نايم أنتي فاهمه,,, والله لو يطلع صوتك مره ثانيه وانا نايم ما تلومين الانفسك انتي فاهمه؟؟
لمى: ............
رامي : ردي فاهمه علي
لمى ودموعها ع خدها: ح..ح اض ر
وراح ولا كا نه سوى شى وهي اطلقت لدموعها العنان,,, وبعد شوي رجع : طلبتي غدى؟!
ماتكلمت بس هزت راسها بالنفي
عند رويد في السياره وهو مع ربعه
رويد : على وين الشباب رايحين؟؟
خالد: ايش رايكم نقضي على محل التلفونات؟؟
ربيع: لا ما نبي مو مربح بلمره
رويد: بنروح احسن على الاقل نتسلى
ربيع: ما بنستفيد شى ,, الا كذا تعبو عماركم
خالد: ربيعووو خل عنك ليه تحبطنا
ربيع: والله كيفكم انا اللي علي سويته
خالد: ايش فيك انت تدري ما محتاجين حق الفلوس ولا شى بس تسليه في تسليه
رويد: صدق خلود
ربيع: خلاص يالله سرينا ,, شوركم وهدايه الله
رويد: يالله
خالد: رويدوه طول ع المسجل
رويد: تامر امر الحبيب...
وطول ع المسجل وخلووو صوت راشد الماجد يصدح
♫♫♫♫♫♫♫♫♫♫♫♫♫♫♫♫
ويش جاه محبوبي مشى وخلاني
مابين نيراني وبين احزاني
واللي يسوي سواته ماهو عاقل
يحبني مووووووت ويصاحب ثاني
محبوبي مشى وخلاااني
والله شكله من البدايه خاين خداع
ما في شى في عينه باااااااااااين
للحب والعشره ابد مو صايم
ضحكته وياللاسف بكااااااااني
♪♪♪♪♪♪♪♪♪♪♪♪♪♪♪♪♪♪♪♪♪♪
رامي من صحى وهو جاعد يكلم لين ف التلفون في (صاله الغرفه) وصوته واصل حق لمى اللي جاعده خلف باب الغرفه تسمعه ..
رامي: تصدقين مشتاااق لك موت
لين : والله ,, احلف
رامي: ورب الكعبه اني مشتاق لك موت
لين: هههههه خلاص صدقتك
رامي : فديت ها الظحكه انا
لين: الا ما قلتلي وين جاعد تكلمني
رامي: في الصاله تدرين بعدنا في الفندق
لين: والله ,, وينها عيل عنك؟ لا تسمعك بس
رامي بصوت اعلى:خليها تسمع وانا ويش علي منها
لين : فديتك غلاي ,, لهدرجه تحبني؟!
رامي : الا اموت على التراب اللي تمشين عليه
لمى سمعت كل الكلام اللي قاله وحست بغصه في صدرها وبدت عيونها تمتلي بالدموع : ليه انا ما يحبني ليش شو ذنبي ليه يكرهني ؟؟؟
ليه يا رب ؟ّّ! يارب ساعدني على هذي الحياه ؟ الله يسامحك يا بابا ع اللي سويته فيني رميتني لرجال قاسي جاحد الله يسامحك .. وينك يازيد تشوف حبيبتك شو صار لها؟
زيد هو الشخص اللي حبته لمى وكانت تربطها معاه علاقه صادقه قويه.. وكان بيخطبها لو ماصار اللي صار..
وبعد ما انهى مكالمته راح لعندها في الغرفه وحصلها تبكي: هيه انتي ايش فيك تبكين؟ لوعتي كبدي الله يلوع كبدك؟
لمى ويزيد بكائها......................
رامي : لا تفتكرين اني ارحمك .. وهذي الدموع او اقصد دموع التماسيح هذي ويأشر على عيونها هذي ما تعنيلي شى انتي فاهمه .. حماره
لمى: ....................
رامي: ليش ما تردي ولا لسانك اكله القطو,, الله ياخذك ويريحني منك ويرفع ابديه لسما آمبن
لمى بعدها ع نفس وضعيتها جالسه فوق السرير وتناظر الارض ,, ودموعها طبعا حدث ولا حرج وتمنت الارض تنشق وتبلعها ولا تسمع منه هذا الكلام
رامي : هيه انتي وقفي هذي دموع التماسيح ولا ما تلومي الا نفسك,, وبعدين قومي رتبي اغراضك في الشنط بنروح بيتنا ,, لاني ما قادر استحمل رقعة وجهك اكثراخاف امرض ولا يصيبنى شي,, وتوه بيطلع بيروح ورد الها مره ثانيه : واغراضي لا تلمسينهم بروحي ارتبهم اخاف تعديني بعد هههههه
لمى هنا ما قدرت تستحمل كلامه اكثر وانفجرت: اولا انا الي
اسم اسمى لمى اذا كنت ما تدري وثانيا لا تفتكر اني ميته عليك اذا ما تبيني مره انا ما بيك الف مره ومو مستعجبه المس شى من قذارتك انا اللي بخاف امرض اذا لمست شى من قذارتك يالحقير,, رامي انصدم فيها ومن كلامها وراح لعندها وطرررررررررررراخ قوي على خدها :اذا طولتي لسانك مره ثانيه بقصه لك,, وطلع بعدها من الغرفه وتركها لهمومها ....
من بعد الكف الي جاها طاحت ع الارض وهيه تبكي وتبكي ومن اللي يسمعها ومن يواسيها من يحس فيها عروس باول ليله من حياتها الزوجيه كذا .. كيف راح تكون حياتها بعدين؟!
الله يقدم اللي فيه الخير
♫☺☻♥♫☺☻♥
لعبة الاقدار تلعب في هوانـــــــــــــا
والزمن غدار ما يحفظ امـــــــــــــانا
الزمان قيود ومن يملك مصيـــــــــــــره
العيون تشوف وايدينا قصـــــــــــــيره
ياحبيبي وين كنا وانتهـــــــــــــينا
صار دمع العين يتحسر علينـــــــــــــا

الـــــــــــــبارت الثالث☺☻
――――――――――
في بيت ابو رامي
ابو رامي وام رامي جالسين يسولفون في الصاله ويشربون الشاي
ابو رامي: بسألك وين ولدك هذا الهايت من يومين ما شفته
ام رامي: والله ما ادري عنه حاط هذا البيت فندق يجي ينام وياكل بس
ابو رامي: هذا يبيله عين حمرا عشان يتسنع ,, عجزت معاه وما فايد معاه شي
ام رامي: بيكبر ويعقل يا ابو رامي
ابو رامي : متى لما يشيب شعر راسه
ام رامي: الله يهدي من يشاء
ابو رامي : ونعمه بالله
ام رامي: ما جلتلي متى بيجي رامي وزوجته من الفندق ؟؟
ابو رامي: اي صحيح نسيت ,, بيجي اليوم جهزو له جناحه
ام رامي: ما اقنعته يسافر شهر العسل ,, فشيله قدام الناس
ابو رامي: هو متزوج بالعافيه عاد بيرضى يسافر خليها ع الله يا ام رامي,, وين ها البنات ما اشوفهم؟؟
ام رامي: روعه ف الدوام والباقيات فوق ف غرفهم
ابو رامي: روحي ناديهم ابي اسولف معاهم...
ام رامي: انشاء الله
ف غرفه رغد
جالسه ع الكمبيوتر تلعب ,, وتسمع دق الباب ,, تفضل
الشغاله : ماما يقول يبي بابا تهت (تحت)
رغد: نزين بكمل لعبتي وبنزل
الشغاله: ماما يجول الهين (الحين)
رغد: نزين سمعنا ,, طلعي وسكري الباب وراك
الشغاله: حادر(حاضر)
رغد ف نفسها : افففف هذولا الشياب شو يبون مني؟! ,, افففف عيشه تنقص العمر والله
‗‗‗‗‗‗‗‗‗‗‗‗‗
بعدها نزلن البنات مع ابوهن وامهن في الصاله
رضى ورؤى : هاااااااااي مام اند داد
ام رامي: شو هذي بعد مام وداد انتي وياها متى بتعقلوا
ابو رامي : خليهم يا أم رامي على راحتهم
ام رامي: هذا اللي مخربهم دلعك الزايد إلهم
رضى: مااااااماااااا خلي بابا يدلعنا لا تكوني ضدنا عــــــــاد
رؤى: صدج مـــــاما خليه
ابو رامي : فديت توأمي انا
وراحن لعنده ركـــــــــــضض وارتمن ف حضنه
ام رامي: والله الجهال مايسون مثلكم قليلات الحيا
رؤى: ماماتي لتكوني تغارين منا
ام رامي: ســــــود الله وجوهكن ايش ها الكلام .. هذا الكلام ينقال حق امكم جليلات الحيا..
رؤى تغايظ امها وبدلع: باباتي احبك
ورضى تكمل عليها :انا اموت فيك باباتي
ام رامي عقدت حواجبها وراحت: ..................
رضى ورؤى: ههههههههههههههه
ابو رامي: انتي مكانك في القلب يأم رامي
ام رامي وهي ماشيه: حسبالي بعد
الكل:هههههههه
وصلت رغد اخيرا : خير اشوفكم مستانسين وتضحكون ,, ضحكونا معكم ؟!
رضى: انتي توك تنزلين ولا كان تاخرتي شوى
رغد: شخبارك بابا
ابورامي: بخير يا بنتي ,, تعالي جلسي معنا ويش فيك واقفه؟؟
رغد: مشغوله بابا بروح اكمل مذاكره
ابو رامي: تمام ابيك ترفعي راسي مثل اخواتك
رغد : انشاء الله بابا ,, تامر على شي؟؟
ابو رامي: ما يامر عليك عدو مشكوره
في المول الكبير رويد وربعه يتجولوا فيه
رويد: الله شوف هذا المحل زين حق اللي خبري خبرك <<<يقصدون السرقه
خالد: انا بتم برى لزوم الرقابه
ربيع: هـــــــــــــاا الخواف بدينـــــــــــــا
خالد: ههههه انفذ بجلدي احسن لي وانت وياه غيبوا
رويد: خلوها هذي الشغله علي ما تدرون انه عندكم الحريف الكبير رويد
ربيع: قصدك السراق الكبير هاهاهاي
خالد:هههههههههههههههه
رويد: يالله دشينا
خالد : انا برى
ربيع : نزين غثيتنا يالخواف
خالد: عادي خواف المهم ما انصاد معكم
دش رويد وربيع المحل وكان البياع هندي يعني سهله بنظرهم
رويد بخباثه: صديقي نزل هذا التلفون ابي اشوفه
الهندي: وين هذا
رويد: ايوه واللي تحته واللي جنبه بعد
اما ربيع راح لصوب الثاني ونادى الهندي: تعال صديق
وراح له : شو يبي صديق
ربيع: ابي هذا التلفون نزله ابي اشوفه
الهندي: حاضر
فهذي الفتره كان رويد يفتح كراتين التلفونات ويشل الجهاز والبطاريه بس ويسكر الكرتون وكأن شى لم يكن.و لما خلص عطى ربيع اشاره انهم بيطلعون وجيوبه مليانه طبعا
ربيع: خلاص صديق ما يريد شكرا
رويد: يالله مع السلامه صديق
الهندي بحسن نيه : مع السلامه
ومن طلعو من المحل الشرررررررررده وركضضضضضضضضض قبل لا يكتشفهم الهندي....
خطيرين>>>
‗‗‗‗‗
رامي : هيه انتي لما تخلصي مرتبه الاغراض انتظرك في السياره
لمى في نفسها : العمى في عينه ما عنده اسلوب يكلمني فيه
رامي : اكلمك ترى؟!!!
لمى : نزيييييييين مع تشديد الياء
رامي: حسبالي بعد
لمى بصوت واطي: الله ياخذك ويريحني منك
رامي: قلتي شي؟؟
لمى: لا اكلم روحي بس
رامي: حسبالي ....
لمى بصوت واطي :مالت عليك خساره فيك هذا الجمال
الله يسامحك يا بابا ع هذي الرميه
بس هو طلع وماسمعها و مادرى عن هوى دارها....
‗‗‗‗‗‗‗
فبيت ابو رامي وبالتحديد فغرفه روعه
رضى طالعه ف سرير روعه وجالسه تصحيها: رووووعوه قومي بسك نوم
روعه بكسل: هااا شو تبي ؟؟
رضى: قومي بتجي الحين زوجت اخوك المصون
روعه: وانا ايش دخلني يا فالحه
رضى : قومي نكشخ عشان تشوفنا بأحلى صوره
روعه: والله فاضيه الحين .. جايه تصحيني عشان سخافتك ,, بقول اطلعي برى وخليني اكمل نومي
رضى بزعل: اوكي براحتك باي .. ارتاحي حبيبتي
رضى طلعت من الغرفه وراحت غرفتها هيه ورؤى: رؤووه وسمخ تعالي نروح نصحي روعه
رؤى : والله حماس نزعجها
رضى: وين اللاب توب ,, ضبطي ع اغنيه حماسيه ترقص
رؤى: الحين راح اضبط ع اغنيه ,, حتى الجن تصحيهم مو الانس بس
رضى: والله خطيره رؤؤؤوه
رؤى: احم احم
وبعد 10 دقايق جهزن كل شى وراحن لغرفة روعه وفتحن الباب بشويش وخلن اللاب توب جنب راسها وشغلنه باعلى صووووووووت,,,,,,,,, والشرده قبل لا تمسكهم ,,وروعه مسكينه تخرعت وشعرها وقف مكانه من الخوف.. وقامت من مكانها وسكرت الاب وع طول راحت لغرفتهن ,,بس الحبيبات ما خذات احتياطاتهن .. راحن تخبن ف حمام رغد.. وهيه مسكينه دورت ودورت وماحصلتهن وقالت بصوت عالي :راح اردها لكن قليلات النخوه والكرامه .. بس صبرآ علي

البــــــــــــارت الرابــــــــــــع






ف السياره عند رامي ولمى السكوت سيد الموقف لحد ما وصلو البيت دش بالاول رامي وبعدها لمى استغربت من فخامة البيت والديكور والالوان وكل شي كان متناسق وف غايه الروعه ومشو لحد ما وصلو الصاله اللي كانت جالسه فيها امه....


رامي: السلام عليكم يمه شخباركم ؟؟


ام رامي: وعليكم السلام هلا بنظر عيني رامي


رامي قرب منها وحبها ع راسها ,, وبعدها قربت منها لمى وحبتها ع راسها : شلونك خالتي عساكي بخير


ام رامي : بخير دامكم بخير ,, حيا الله من جانا تفضلو


وجلس رامي جنب امه وهي جلست بعيد عنهم ...


رامي: يمه وين البنات


ام رامي : فوق الحين راح اقول حق سيتي (شغالتهم) تناديهم




راحت سيتي ونادتهم ونزلن وسلمن عليهم وجعدن يسولفوا وبعدها طلعو رامي ولمى ع جناحهم وكانت عباره عن غرفه وحمام وصاله صغيره فيها تلفزيون ومطبخ صغير تحظيري




رامي صد للمى : شو ما جالك شفتي غرفه حلوه مثل هذي؟


لمى: لا تصدق اول مره اشوف غرفه حلوه مثل هذي


رامي: انطمي زين لا اعطيك الحين كف يعدل مزاجك


لمى وتحط ايدها ع فمها : زين خلاص سكتنا ,,


رامي:اجول كل اللي يصير بينا في الغرفه ما ابيه يطلع برى.. وإن طلع ياويلك .. مفهوم


لمى: ؟؟؟؟


رامي : كم مره اقولك لما اكلمك ردي علي


لمى: اففففففففففففف نزيييييييين سمعنا


رامي: انا الحين طالع وما ابيك تختلطي بخواتي ,,خليكي بعيده عنهم


لمى : ليش فيني الجدري وانا ما ادري ؟


رامي: اللي فيك اكبر من الجدري زين


لمى: حقييييييييير


رامي: احترمي نفسك ولا تطولي لسانك مره ثانيه ,,, راحت عنه وحجرته ههههه<<< الحجران يقطع المصران




‗‗‗‗‗‗‗‗‗‗‗‗‗




شله رويد في الكوفي شوب عالساعه 9


رويد: هاااا شباب شو رايكم بالاجهزه الجديده


خالد: اما انت حريف يا بو الشباب


رويد: اكيد طال عمرك خبرررره في مجال العمل


ربيع: راح نعطيك شهاده لتؤكد خبرتك حبيبي


رويد: هههههههه وربي سخيف


ربيع: وين بنروح الحين ؟؟


خالد: ايش رايكم نروح الشاليه ,, نحتفل


رويد: والله فكره ,, بس اهم شي الجنس الناعم يكون متوفر


ربيع: خلها علي وانا ابوك


خالد: لالا الله يخليكم ,, ما ابي اخون حبيبتي


رويد: بسمع كلام جديد منك اليوم خـــــــــــــلود


خالد: ايه والله احبها وما ابي اخونها,, ما تهون علي


ربيع: سهله جيبها ع الشاليه


خالد بعصبيه : بعقلك انت ؟؟؟!!!


رويد: نزبن ابوي لا تاكلنا بس


ربيع: والحين بتجى معنا ولا ..........


خالد قاطعه: بجي عشان نحتفل بس ,,


رويد : يالله يالعاشق قدامي ,, ويقلده : ما ابي اخونها احبها ..


خالد: مشكلتي اغليكم وما ابي ازعلكم


ربيع: وهذا العشم فيك يا ابو ربيع


خالد: ومن هذا ابو ربيع بعد؟؟


رويد: انت ويبيلها كلام ....


خالد: مالت عليكم والله


رويد وربيع: هههههههههههههه






ف غرفه لمى جالسه تكلم صديقتها مها ف التلفون من بعد ما طلع رامي عنها


لمى: هلا حبيبتي والله مشاقه لك موت


مها : وانا حبيبتي اكثر ,, شخبارك؟؟ مرتاحه


لمى: انا وين والراحه وين ,, حتى كلام ماشي من بينا الا هواش وبس


مها: والله ومن يوم العرس كذا


لمى وبدت عيونها تدمع: ايوه,, يكرهني يا مها وما يطيق يشوفني


مها: الله يسامحه ويهديه ان انشاء الله


لمى: ما قلتي لي ويش اخبار زيد؟؟


مها: والله حالته حاله من تزوجتي المسكين


لمى: صار يكرهني صح


مها : لا مووووو يكرهك انتي يكره ابوك اللي غصبك على الزواج


لمى: الله يسامحه,, تصدقي حتى رامي يحب وحده سمعته يكلمها ف التلفون


مها: لا تقوليها


لمى : والله....


وجلست لمى تفضفض لصديقتها لحد ما دش رامي وسكرت,,


رامي بدون نفس : من تكلمين


لمى: يهمك؟!


رامي: انا زوجك ومسؤؤؤل عنك


لمى بتعجب: زوجي ؟! ومن متى؟!


رامي: مو عاجبك؟؟ بيت اهلك بنتظرك


لمى طنشته ودخلت داخل الحمام تبكي وتفش غليلها بالبكي يمكن ترتاح شوي,, لمتى راح تستمر كذا عايشه في ظلم قدرها





في غرفه روعه جاعده تتكلم في التلفون <<<شكله يوم التلفونات العالمـــــــــــــي




روعه وهي تسند راسها ع السرير: وانا بعد احبك مووت


.......: فديتك يا بعد عمري,, تصدقين مشتاق لك موت


روعه: انت وين احس عندك ربشه ؟


......: انا ف الشاليه عند الربع


روعه: متاكد؟! الربع بس


......: افاا مو واثقه فيني حبيبتي؟


روعه: الا واثقه فيك خلــــــودي


خالد: يا حلوها من حلجك خلـــــــــــــودي


روعه : فديتك يا بعد عمري


خالد: ياااي ترى ما بقدر ع الكلام الحلو اذوب


روعه: خلاص بخليك في الثلاجه


خالد: هههههههههه


روعه: سخيف





في الشاليه فالينها الشباب رويد وربعه ,, اللي يرقص واللي يشرب واللي (استغفر الله) ف الغرف ..كل واحد عايش حياته وتاركين الدينا وراهم وخالد كان يكلم روعه وهو ما داري انها اخت صديقه رويد ,, تعرف عليها من المستشفى من وين ما تداوم في ا لمختبر....




‗‗‗‗‗‗‗‗‗‗




لمى كالعاده جاعده في الغرفه بروحها قررت تطلع وتروح مع البنات وكانت لابسه بيجامه للبيت ورافعه شعرها طالعه جنان ,, وطلعت ومشت مشت لحد ما وصلت غرفه بس ماتدري غرفه من هذي؟ ودقت الباب ودعت ربها انها ما تطلع غرفة رويد << تعرف اسمه بس اما شكله ما جالها شافته ,, وفتحت رضى الباب : هلا بزوجت ااخوي والله


لمى: هلا فيك ,, من رضى او رؤى لانكم شكل واحد ما اعرف اميز بينكم ؟!


رضى: لا انا رضى ,, تفضلي حيـــــــــــــاك


لمى: اسفه اذا ازعجتكم


رضى: لا ازعاج ولا شى


ودشت معاها الغرفه : انتي ورؤى بغرفه وحده


رضى : ايوه .. لأن توأم وما نحب نكون بعيدين عن بعض




طلعت رؤى من الحمام: حيا الله من زارنا اليوم


لمى: هلا فيك,, آسفين اذا ازعجناكم بس حسيت بملل وقلت بطلع


رؤى: عادي حبيبتي لا ازعاج ولا شي .. الا من دلك على غرفتـــــــــــــنا


لمى: والله بروحي خبطت لحد ما وصلت اول باب ودقيت عليه


؟؟!


رؤى: وين رامي عنك وتغمز لها


لمى: طلع ,, لمى تغير السالفه وين روعه ما اشوفها عندكم؟!


رؤى: بغرفتها ,, ايش رايكم نطب عليها ونسويلها سبرايز


رضى: والله فكره


لمى: انا ما الي دخل ما ابيها تكرهني ومن اول يوم


رؤى: خلي كل شى علينا ولا يهمك


لمى: هههه بنشوف


رضى: ايش رايك نلبس ثوب وشماغ وندش عليها كأني رجال


رؤى تضرب كف بكف: فكرررررره ولا احلى


رضى: يالله انا بروح اجيب ثوب وشماغ من غرفه رويد


رؤى: تم وانتي لمى بنجيبلك معنا


لمى: لا انا بروح اجيب مال رامي


رؤى: تم ...




وراحت رضى وجابت الأغراض ولمى جابت مال رامي وقررن يلبسن في غرفه البنات عشان اقرب من غرفه روعه


لما خلصن البنات لبس طلعن من الغرفه ,, كان الوضع هادى مره في الممر ,, الا بطلعت رغد من الغرفه وشوي بتصرخ لولا رؤى ركضت لها وخلت ايدها على فمها بسرعه: احنا رضى ورؤى ولمى لا تفضحينا اسكتي ,,: ليش كذا لابسات؟؟


رؤى: اصصصص نبي نخرع روعووووه


رغد: والله


رضى: ايه يالله باي انتي راقبي الاجواء في الممرات


رغد: لا انا طلعوني منها


رؤى: براحتك باااااااااااااي




وصلو على الغرفه وكانت روعه متسدحه في سريرها ومعطيه الباب ظهرها وحاطه السماعات في اذنها يعني ما تسمع شي ,, ودشو بشويش وكانو متلثمات ما طالع منهن غير العيون ,, تقدمت رؤى اكثر منها ومسكتها من شعرها بحركه سريعه ورضى ولمى مساكين الرجول ,,, وروعه لما صدت وشافت العيون بس.. خافت وصرخت صرخه قويه: ااااااااااااااااااااااااااااااااه حراميه ساعدوني آآآخخخ.. من انتو انا ما سويت شى وكيف دشيتو هنيه ,, وكانت ترتجف من الخوف مسكينه ؟؟ انا ما سويت شي والله اتركوني وشوي ودموعها بتزل ,,, البنات ما قدروا يستحملو الا انفجرووووووو ضحك:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه


روعه عرفت ضحكتهم بس من الثالثه : يا قليلات الادب والمروه خرعتني الله يلعن بليسكن هههههههههه ,, اوووو لمى حتى انتي معاهم ما توقعتها منك


لمى: انا مو شغلي والله


روعه بعصبيه: والله بردها لكم




البنات سون الشرده بسرعه و ركككككككككضض


وراحت روعه دورعلى شي تظربهم فيه عشان تنفذ انتقامها دشت الحمام وجاتها فكره وعلى طول نفذتها حصلت غرشه ماي حجم متوسط وسوتلها ماي وصابون وراحت المطبخ وحصلت شطه وكم بيضه وعلبه روب وقوطي تونه وخلطته كله مع بعض وراحت تفذ الخطه ,, والتوأم من بعد ما غيروووو نزلو تحت وكأن لم يكن ,, ونزلت روعه من فوق وشافتهن جاعدات ع التلفزيون وكان ظهرهن ع الدرج يعني ما يشوفن اللي وراهن ,, ونزلت بشويش من الدرج: الحمد لله بروحهن ( في نفسها) ,, ومشت لين ما وصلت عندهن وبدون احمممم ولا دستور كبت عليهم الخلطه العجيبه فوق روؤسهم , وعلى طول ركضت فوق ,, وخلتهن يتلوعن من الريحه الخايسه


رؤى: ييع شو هذي الريحه الخايسه


رضى: شكلي استفرغ


رؤى: وانا بعد.. يـــــــــــــع


رضى: نستاهل احنا بدينا بالاول


رؤى: حظ لمى بغرفتها ,,


رضى: ايه والله يالله طلعنا نسبح بدل هذي الريحه الخايسه


رؤى: اتوقع شهر ما بتروح منا هذي الريحه .. كححح


رضى: يبيلنا نخل عمرنا بديتول وماي اسبوع عشان تطلع الريحه


رؤى: وانتي الصادقه


رضى: بنردها لها


وهم يطلعون الدرج ,,,


رؤى: ما ادري وين بيوصلنا افكارك


رضى: افاااااااا ما هجيتها منك


رؤى: هههههه شكلك يضحك شوفي شعرك واقف


رضى: وانتي بعد شوفي البيض ع راسك


رؤى ورضى: ههههههههههههههههه




اللي صار في رؤى ورضى كوم واللي صار في لمى كوووووووم ثاني ,, المسكينه دشت الغرفه وبايدها الغتره والكندوره ,, تفاجات لمى من شافت رامي وحاط رجل على رجل ويهز رجوله بعصبيه : وين كنتي ؟؟ وليش ملابسي عندك


لمى ارتبكت وما عرفت شو تقول:...................


رامي: انا ما قايل لك لا تلمسي اغراضي


لمى بهدوء : كانت تبيهم رؤى <<<كذبه بيضاء عادي


رامي: والله احلفي بس عشان اصدقك


لمى: روح اسألها زين ولا انا ويش ابيلهم يعني ألبسهم مثلا


رامي : اخر مره اشوفك طالعه من الغرفه او لامسه شي من ملابسي وأغراضي ..


لمى طنشته ولا ردت عليه ,, بعدها رن تلفون رامي بنغمة احبك وحشيني بحبك وانتي نور عيني,,, ورد : الوووووووووو هلا والله هلا بها الصوت ولمى مكانها تطالعه ,, وهو كمل يحب يغايض فيها: وانا مشتاق لك موت ,, تبي تشوفيني ,, ثواني وبكون عندك,, فاي مكان؟؟! ,, تمام فديتك,, نلتقي...




رامي لف على لمى : ايش فيك تطالعيني كذيه ؟؟ عندك مانع جاعد اكلم حبيبتي وبطلع اقابلها


لمى والدموع بعيونها: خذ راحتك


رامي: تعالي اختاريلي ملابس ابي اكشخ فيها ,, ما احب تشوفني مبهدل ....


لمى في نفسها معقوله انت وقح لهذي الدرجه ما عندك مشاعر ولا احساسيس


رامي: هيه انتي وين سرحتي ؟؟ لا تنكدي علي فرحتي ,, انا طاير من الفرحه طاير وقلبي على نار ناطر ثاير من الشوق ثاير ,, وجلس يددن ويغني ولا عليه شي وما درى بالقلب اللي يحترق في الصوب الثاني ,,


لمى: نزين تقدر توصلني بيت اهلي فطريقك


رامي: اآسف ما اقدر لآن حبيبتي تغار علي وايد وما اقدر اخالف اوامرها فهمتي


لمى: نزين طلقني بترتاح وبتريحني


رامي وهو يختار ملابسه : آسف بخليكم بالاول تعضو اصابيعكم ندم وبعدها افكر اطلقك


لمى: ..................


رامي: بختار هذا البنطلون الجينز الازرق والقميص الابيض واااو بيطلع جنان علي ,, شو رايك حبيبتي؟؟


لمى طنشته وقالت : بروح بيت اهلي مع السايق


رامي: روحي بلي ما يحفظك


لمى بصوت مسموع: الفكه منك والله


رامي: ومنك ههه الله يلعن ذاك اليوم اللي تزوجتك فيه




وبعد شوي طلع رامي ولمى كلن في جهه,, شو بيصير بينهم ياترى؟؟

البــــــــــارت الخــــــــامس

من بعد ماطلعت لمى من بيت اهله حست شوي براحه ,, وصلت البيت وحصلت اهلها كلهم في الصاله : هاااااااااي سبرايز


لمى قربت منهم وسلمت على امها وابوها واختها لمياء


لمياء: ليش ما قلتي انك جايه وين رامي ما جا معك؟؟


لمى: سويتلكم سبرايز,, ورامي مشغول شوي


ام لمى: شخبارك وكيف الزواج ؟؟


لمى بضيق: زين يمه


ابو لمى: سمحيلي وانا ابوك على اللي سويته فيك


لمى: مسموح يوبا لا تحاتا


لمياء تغير الموضوع: تعالي بسولفلك عن الجامعه


وطلعوا البنات فوق عشان ياخذوا راحتهم في الكلام<< تدرون سوالف بنات

‗‗‗‗‗‗‗‗‗‗‗‗‗‗‗

في الكوفي شوب ,,, وصل رامي ع الكوفي وهو في اجمل صوره.. وحصل لين تنتظره


رامي: مرحبا حبي


لين: اهلين حبيبي


رامي: اشتقت لك وايد


لين: وأنا بعد فديتك .. شخبار الزواج؟


رامي : أنتي تدرين إني متاضيق وايد من هذا الزواج ما اطيقها بعيشه الله يالين


لين: تدري وانا بعد متضايقه وايد ,, كيف بتكون حياتنا


رامي: ما بخليك والله راح اتزوجك غصب عن اللي يرضى واللي ما يرضى


لين بابتسامه عريضه :تصدق توقعتك بتنساني من بعد ما تزوجت


رامي: انسى دنيتي كلها والعالم ولا انساك انتي


لين: وكيف حياتك معاها وخاصه..........


قاطعها: لا تخافي ,, ع الورق بس


لين : والله .. الله يبشرك بالخير


رامي: خلينا منها الحين ,, انا راح اتزوجك وابني مستقبلي معاك انتي .. ما أبي احد غيرك


لين: الله يخليك لي ولا يحرمني منك


رامي: ولا منك


‗‗‗‗‗‗‗‗‗‗‗‗‗‗

الله لا يحرمني منـــــــــــــك


ومن حنانك ومن دلالــــــــــــك


ما اتمنى غير شوفـــــــــــــك


مبتسم مرتاح بالـــــــــــــك


أنا محتاج الى حنانـــــــــــــك مهما كـــــــــــــان


وحبي لك في قلبـــــــــــــي قدر ومكـــــــــــــان


انت في بالـــــــــــــي


الاول والاخـــــــــــــير


ولو تغيب شـــــــــــــوي توحشني كثيـــــــــــــر


♪♪♪♪♪♪♪♪♪♪♪♪♪♪♪♪♪♪

اليوم الثاني الصباح


في <<الشاليه>>


الشباب نايمين كل واحد في مكان قام خالد وهو كسلان مره لان تلفونه يرررررررن : الووووووو هلا يمه


ام خالد: انت وينك ؟؟ امس مو نايم في البيت


خالد: ايه يمه سهرنا انا والشباب لحد وقت متاخر ونمت معهم


ام خالد: نزين وليش ما قلت تخليني احاتيك يمه


خالد بكسل: سامحيني نسيت


ام خالد: ومره ثانيه لما تبي تنام برى البيت خبرني.. لا تخلاني احاتيك يمه.. أنا ما لي حد غيرك


خالد: تمام يمه.. تبين شي اجيبلك إياه؟


ام خالد: لا مشكور مع السلامه


خالد: ف امان الله

وسكر خالد عن امه وجعد يطالع الساعه: اوووووووف بعدها الساعه 10 من وقت ,, شو بسوي الحين راح ادق على روعه ادري عنها ما تنام الصبح


ورن كم رنه عقبها ردت


خالد: الوووووو


روعه: هلا حبيبي


خالد: هلا عمري هلا بحياتي كلها


روعه: ايش فيك اليوم صاحي من وقت


خالد: شوقي إلك هو اللي صحاني,,مشتااااق لك موت


روعه: فديتك عمري.. وأنا بعد


خالد بدلع: ابي اشوفك حياتي مشتاق لك


روعه: اثقل شوي حبيبي


خالد بدلع: ما ابي أثقل.. أبي اشوفك بليـــــــــــــز


روعه: اوكيه بس لا تزعل


خالد: والله الحين فرحان وايد ماتتصوري قد ايش؟؟!!


روعه: هههههههه.. قد ايش عاد


خالد: قد الفرح اللي ف قلوب البشر كلهم


روعه: والله؟!


خالد: وربي


روعه: اوكي.. عيل سكر الحين بنلتقي ف الكوفي بعد ساعه بلكثير


خالد: تمام عمري نلتقي

روعه سكرت وهي فرحانه وجعدت تتكلم مع نفسها ,,: يالله شو ألبس الحين ,, والله احبه احبه ياناس,,,, ولحسن الحظ ما كان في بيتهم احد غيرامها لان البنات في الجامعه ورغد في المدرسه وابوها ورامي في الشركه ورويد هايت مع ربعه ,, وقالت حق امها انها بتروح الجمعيه عشان تشتري اغراض,, وطلعت بسيارتها إلى


الكوفي وحصلته جاعد ينتظرها.. لأنها تاخرت عليه شوي بسبب الزحمه ......


وراحت لعنده : هااااااااااااااي ومدت ايدها بتصافحه وصافحها: هاييـــــــــــــن حبيبتي


خالد: مشتاق لك..


روعه: هههه اثقل الثقل زين فديتك


خالد: عشان خاطر عيونك بس


روعه : خلوووودي خلى عنك هذا الكلام.. استحي


خالد: بقول حبيبتي ,, ايش رايك نتزوج والله متضايق من علاقتنا


روعه : والله هذا يوم سعدي ومنـــــــــــــاي


خالد: يالله بس متى يجي هذا اليوم ,, أنا مستعجل وما بعتقد بصبر لين ما تطلعلي وضيفه


روعه: وشو الحل عيل ؟؟ اهلي ما بيوافقو عليك وانت عاطل عن العمل


خالد: وهذي المشكله؟؟


روعه: وشو الحل؟؟


خالد يغير جلسته: شو رايك نتزوج بالسر لحد ما اتوظف وبجي اخطبك رسمي


روعه انصدمت: شـــــــــــــو؟ بالسر عاد حرام عليك_ الزواج اشهار وانت تقول بالسر


خالد: ارجوك حبيبي ما ابيك تفهميني غلط,,


روعه: لا انا ما اقدر أخطي ولا خطوه .. اخـــــــــــــاف


خالد: من شو تخافي عمري ؟؟ انا بكون معك وما بتخلى عنك ابدا_ طال الزمن ولا قصر


روعه: وكيف بنتزوج ؟


خالد: بالمحكمه عادي,, وشهود زواج رسمي حبيبتي بس بينا


روعه: امممممممممم بفكر


خالد: والله هذا العشم فيك بس لا تتأخري بالرد علي


روعه: اوكي الحين بطلع وبرد لك خبر بعدين


خالد: اوكي حبيبتي ,,


‗‗‗‗‗‗‗‗‗‗‗‗‗‗‗

والحين بخبركم اخر اخبار ابطالنا في القصه : رامي ولمى كل واحد في صوب.. رامي عايش حياته مع لين كأنه عزابي وفكر انه يخطبها لانه ما قادر يعيش بدونها,,, اما لمى تجلس مع اهلها بالاسبوع ورامي مو سائل عنها بلمره ,,, اما رويد وشلته نفس حياتهم مقضينها بالصياعه والسرقه ,, اما روعه وافقت ع الزواج السري من خالد بعد تفكير عميق ..

عايله بو رامي كانت مجتمعه كلها في الصاله سوالف وضحك قبل لا يتفأجاو بالخبر اللي محضرنه رامي,,,
رامي: احمممممم ,, عندي لكم خبر ساااااار
رضى ورؤى: شو هو؟؟
ام رامي : خير يا ولدي ؟؟ قول فرحنا معاك
روعه: فرررحنا
رامي: اممممممم بتزوج
كلهم تفأجاو بالخبر وشاف رامي على وجوه الكل علامات استفهام ؟؟؟؟؟؟
رامي: خير اشفيكم الشرع حلل اربع
ام رامي: وزوجتك اللي راميها في بيت اهلها
رامي: انتو تدرون اني ما ابيها من الأول ولا احبها ولا اطيقها بعيشه الله
روعه: والله حرااااام ؟!!
رؤى: بتطلقها!!!
رامي: لا طبعا بخليها كذا معلقه,, تستاهل وهي وابوها
رضى: والله حرررااام
رامي: راح احرق قلوبهم مثل ما حرقو ا قلبي
ام رامي : وقلت حق ابوك
رامي: لا بعدني يمه قلت بخبركم بالاول
ام رامي: نزين طلقها حرام تخلها كذا معلقه
رامي: لااااا يمه ,, طلاق مستحيل حاليا في المستقبل ممكن
ام رامي: استهدي بالله يا ولدي ترى ما يجوز في شرع الله لازم تعدل بينهم
رامي : يصير خير ,, انا طالع تبون شي ؟؟
روعه : لا سلامتك!!
‗‗‗‗‗‗‗‗‗‗‗
لمى راحت لعند صديقتها مها بيتهم تزورها وهي تبي دق الباب بس فجأه انفتح الباب.. تفأجات لمى وقالت في بالها: معقوله أشوفك زيد من بعد فتره طويله ,, اما هو تسمر مكأنه وقال بفرح: لمى معقوله ,, كيفك وشخبارك ؟؟ مشتاق لك
لمى: انا زينه الحمد لله,, انت شخبارك؟؟
زيد: بشوفتك صرت زين
لمى: بليز زيد انا متزوجه الحين
زيد بعصبيه: ادري انك متزوجه لا تذكريني والله تعبتي قلبي ,, والله يا لمى ما اعتقد ان في الكون هذا كله في احد يحبك كثـــــــــــــري
لمى وعيونها مغرقه بالدموع: ارجوك لا تزيد همي انت ما تدري عن حياتي معاه
زيد بحزن: ادري ياعمري عن كل شي
لمى: مها خبرتك صح
زيد يهز راسه يالايجاب
لمى: نزين بتخلاني وايد واقفه عند الباب ماشي تفضلي
زيد: اوووو اسف حبيبتي شوفتك نستني كل شي,, تفضلي
لمى: مشكور ,, اهتم شوي باكلك لانك ضعفان وايد ,, ونااام عدل لان الهالات ظاهره تحت عيونك من قله النوم ,, الا وهي داشه بتدخل مسكها من ايدها وقرب منها: تخافين علي حبيبتي؟؟
لمى نزلت راسها:........
زيد: بليز ردي علي بعدك تحبيني
قرب منها زيد اكثر وهمس إلها داخل اذنها : بليز حبيبتي ريحيني الله يريحك.. ردي علي تحبيني
لمى وهي تبعد: اكيد
زيد: شو اكيد هذي؟,, قولي احبـــــــــــــك
لمى: مو احبك بس الا امممممموت فيك,, وركضت داخل بسرعه بدون ما تشوف ردت فعله
زيد حس براحه وايد من كلام لمى واللي ريحه اكثر كلام اخته عنها ولما قالتله انه زواجهم ع الورق بس ,, اما هي راحت داخل لعند مها وجها صاير احمر طماط,, مها لما شافتها داشه: خير أشوف وجهك صاير احمر
لمى: أنا _ لا عادي لا أحمر ولاشي
مها: علي انا هذا الكلام لموي ,, حطي عينك في عيني
لمى ما قدرت طبعا عيونها فضحنها,,
مها: ادري زيد مووووووو
لمى: ويش دراك؟؟؟
مها: سمعتكم ههههههاي
لمي: هاهاي سخيفه
مها: هههههه انا خطيره صدتك متلبسه حبيبتي
لمى: هههه والله بايخه
مها: ززين خلاص زيد مو هينه؟ ليش وجهك صاير احمر كذا .. مها ركضت بسرعه ولمى تركض وراها مثل اليهال وصوت ضحكاتهن مالي البيت <<الله يزيدكن عقل والله
**
بعد مرور شهر خالد تزوج روعه من ورى أهلها وأهله..
خالد وهو يفتح باب الشقه يالله حبيبي دخلي برجلك اليمين
روعه باحراج: خلها وقت ثاني
خالد: حبيبي انتي الحين زوجتي على سنه الله ورسوله يعني مانسوي شي حرام
روعه: بس احس بخوف فضيع
خالد: ليش حبيبتي شايفه قدامك وحش؟؟
روعه : مو قصدي كذا
خالد: نزين دشي بنتم واقفين برا وايد واللي ما يشتري يتفرج
روعه: اوكي
خالد: برجلك اليمين؟؟
روعه وهي تمشي بدلع: تمام فديتك وبرجلي اليمين
خالد: والله ما ني مصدق اني انا وياك بروحنا _ يجمعنا صقف واحـــــــــــــد
روعه: والله خايفه ,, هذا اللي نسويه غلط ولا صح
خالد: حبي انتي ما تفهمين انا متزوج خبله ولاشو؟؟
روعه بدلع: خلـــــــــــــود
خالد: ياعيون خلـــــــــــــود امري تدللي ,, وشبك ايدها بايده
روعه:...............
خالد: فديت الخجلان انا
روعه: بس عاد
خالد: والله ماني بقادر اصبر ؟؟؟؟؟؟؟
..............................................<<<< فاصل ونواصل
قرب اكثر قرب مني
غمرني بحنان
حتى قلبى يلامس قلبك
حتى روحي تلامس روحك
حبيبي اشتقتلك انا

البـــــــــــــارت السادس
رويد وربيع جاعدين ع الكوفي
رويد : ما تدري وين خلود صارله فتره وهو متغير
ربيع: والله ما ادري عنه
رويد: دج عليه شوفه وين ؟؟ شغلنا متعطل بسببه
ربيع: تلفونه مسكر
رويد: استغفر الله ,, وشو تسوي الحين؟؟
ربيع: ايش رايك نروح بروحنا
رويد: والله بنقدر؟؟؟
ربيع: هو من الأول ما منه فايده خـــــــــــــوااف
رويد: شورك هدايه الله؟؟؟
ربيع: ايه ع الاقل بيكون اللي نكسبه بينا بالنص
رويد: يالله قوم بنشوفلنا محل زين نكسب منه رزقنا يالله
رببع: يالله سرينا
ام رامي اقنعت ولدها يروح يجيب زوجته من مع اهلها لانها طولت ,, رامي بالعافيه وافق وراح جابها ولا كلمها ولا كلمه ولا هيه كان تفكيرها بزيد واللي صار معاها .. رجعها لكم سنه ورى ,, ايام حلوه عاشتها فحبه وما راح تنساها علاقتها معاه كانت علاقه طاهره ونظيفه ... بس شوفو كيف القدر ظلمها مع انسان ما تحبه ولا يحبها ,, والسبب كان ابوها لولا كذا لكانت الحين عايشه مع انسان تحبه ويحبها ,, بس هذا المكتوب وهذا القدر والنصيب ,..و القدر ياما ظلم ناس وناس ,, بس لازم نعيش ونكمل حياتنا ...........
لمى كانت سرحانه بطول الطريق عقبها سمعت صوت رامي وهو يقول : هيه انتي عجبتك الجعده في السياره ترى وصلنا
لمى نزلت بكل هدوء:..............
رامي: اففففففف متى الله يفكني منك ومن برودك ,,, اكرهك الله ياخذك ويا خذ ابوك معـــــــــــــك
لمى: احترم الفاظك دام النفس عليك طيبه
رامي: والله طرار ويتشرط
لمى: بيجيك يوم وبتندم على هذا الكلام اللي جاعد تقوله
رامي: على فكره انا ناوي اتزوج
لمى باندهاش: شوووووووو
رامي: اللي سمعتيه والله
لمى: ولك عيني تقولها بوجهي ,, طلقني ما ابيك اكرهك
رامي وهو ينزل بالسياره: هاهاهاهاي في الاحلام حبيبتي ومن بيخدم زوجتي اذا طلقتك
لمى بعصبيه: نعم ما سمعتك زين؟؟!! اتخسي الا انت وياها
رامي بدون اهتمام: انا ماا اكرر كلامي مرتين ,, ودش داخل وخلاها بسياره بحيره وهم ما تدري متى الله يفكها من هذي المصيبه اللي الله بلاها فيها..
*********
روعه قامت من النوم من بعد ما سمعت تلفونها يرن وشافت الساعه: اوووو الساعه 11بليل اففففف هذي امي شو اجولها الحين : خالد خالد قوم قوم امي تتصل فيني شو اجولها الحين
خالد: امممممممم
روعه: خالد قوم صحصح
خالد صحى بكسل : ردي عليها
روعه: شو اقولها
خالد: قوليلها تاخرت في الدوام كان وايد زحمه بسرعه ردي
روعه بتعب: هلا يمه
ام روعه : وينك تاخرتي وايد احاتيك يمه
روعه: وايد زحمه عندنا في المختبر بخلص واطلع
ام روعه: زين يمه لا تتاخرين
روعه : حاضر أنتي لا تحاتي
ام روعه: يالله فامانه الله
روعه: مع السلامه
روعه من بعد ما سكرت: اووووففففف كنت مايته رعب يالله الحين بلبس وبروح البيت
خالد بدلع: اجلسي معاي شوي حبيبتي
روعه: ما يصير انا بطلع الحين مره ثانيه حبيبي
خالد ويمد البوز: بعدني ما قد شبعت من شوفتك
روعه: الجايات اكثر حبيبتي ,, انت اعلم بالظروف
خالد: خلاص حبيبتي اخذي راحتك
روعه: فديت اللي يفهمون انا وراحت لعنده وطبعت بوسه قوييييييييييييييه على خده وراحت عنه….
******
ربيع ورويد في المول يدوروا على محل زين عشان ........... انتم تعرفوا ...
ربيع: شوف رويدووووه هذا المحل
رويد: اي محل حق الذهب؟؟؟
ربيع: ايه فاضي محد فيه فرصتنا
رويد: يالله عيل بسرعه
من بعد ما دشو المحل راح ربيع لعند البياع وكان هندي<< مساكين الهنود بسرعه ينقص عليهم
ربيع: صديق نزل هذاك العقد واللي جنبه
الهندي: تبي هذا؟؟
ربيع: ايوه ,, وطلع هذا الخواتم يبي يشتري هديه حق عروس
الهندي: صديق انت وايد زين عشان يشتري هديه حق عروس
ربيع: وانت بعد وايد زين
في ها اللحظه ناداه رويد من الصوب الثاني : صديق تعال نزل الساعات يبي يشوف
وراح لعنده ,, اما ربيع اخذله خاتمين بس عشان لا يشك فيه الهندي واسواره من الطقم خشهن في جيبه وسوى اشاره حق رويد عشان بيطلعو,, رويد رجع وراح لعند ربيع والهندي بعد رجع وياه وقال : انت مايبي يشتري بابا
ربيع: بجيب العروس عشان يختار بروحه .. مع السلامه
وبسرعه البرق طلعوا من المحل والشررررررررده,, اما الهندي توووه يكتشف انه انسرق :حررررررامي خبروا الشرطه ,, ولما طلع يشوفهم من برى ما لقى لهم أي اثر....
<<<خبره في مجال العمل طال عمركم
لمى نزلت من السياره وصعدت لغرفتها على طول حاسه ان الدنيا ضايقه فيها ما تدري ليه قدرها خلاها مع انسان شرس حقير ما حس فيها ولا في مشاعرها ,, عمره ما نظر لها كانثى ,, عمره ما سمعها كلمه حلوه ,, حتى اسمها ما ينطقه ,, والحين بيتزوج عليها ويقولها عيني عينك ,, بدون اي ظمير ,, اصلا هو تزوجها ؟؟عشان يتزوج غيرها ,, بس اللي بينهم ورقه ,, وعمرها ما تسكرت بينهم غرفه .. هي تنام بالصاله وهو بالغرفه ,, هذا حالهم من تزوجوا ؟؟ وكل مره يدخل عليها الغرفه يرميلها كم كلمه جارحه ,, وهي تذرف الدموع وقررت انها ما تيئس وتكون شجاعه وترد له الصاع صاعين .. بترد للجامعه وتكمل دراستها ,, من بعد ما تركتها من تزوجت وبترد لزيد هذا اللي فكرت فيه وتنسى انها متزوجه من الاصل وتترك كل شي ورى ظهرها ...
دشت الحمام وبدلت وصلت وطلعت لعند البنات شوي تتسلى معاهن حصلتهن مجتمعات كلهن بالصاله ,, لمى بصوت مرح: هااااااااااااااي
رؤى: هايييييييين متى رجعتي؟؟
وقامن يسلمن عليها ,,
لمى: من ساعه تقريبا شو مسوين ؟؟
رضى: تمااام تعالي جعدي شوفي معنا المسلسل
لمى:اوووووووو مسلسل تركي اموت عليهم
رؤى تغمز لها : المسلسل ولا البطل
لمى بضحكه مصطتنعه: ههههههه بيني وبينك البطل ,, ما ادري من وين يجيبو كل ها الجمال؟؟
روعه: بعمليات تجميل حبيبتي
لمى: يمكن والله ,, الا اقول روعه ماكأنك محلوه ومسمنه شوي
روعه: والله ,, وايد باين علي
لمى: يعني ؟؟!!
رؤى: ما نحنا قايلين لك من الاول بس ما صدقتينا...
رضى: صدقتي توأمي العزيزه
لمى: هههههه حلوه ذي توامي العزيزه ,, بس لا تعيديها ههه
رضى: بنات هدوء شوي ,, خلونا نتابع المسلسل,, هذا الممثل رائع فديته
روعه: لو تسمعك بنت خالتك الحين لا تا كلك
رؤى: والله مشتاقين لها الدبه
رضى: ايش رايك نتصل فيها
رؤى: فكره,, بس بنتصل فيها بعدين بعد المسلسل
رؤى: تم
جلسو البنات يتابعون المسلسل وبعدها جا رويد وشاف البنات متجمعات : هااااااااااااي
البنات : اهليييييييين
رويد قرب منهم وجلس: انتو ما تملون من هذي المسلسلات التركيه اللي تابعونها ؟؟
رؤى: بالعكس والله وايد حلوه ..وخاصة ابطالها
رويد: ام انتو البنات عليكم حرررررركات
رضى: وانتو يا الشباب عليكم ثقالت دم
رويد بسخريه: هههاههاي سخيفه
روعه: افففففففف سكتو خلونا نسمع
رويد وهو يقوم: زييييين باي بروح اريح بدل مقابل وجوهكم ,, وربي سخيفات
رؤى تطلع لسانها : وانت الاسخف هههاي
*********
وبعد مرور شهر عن الاحداث السابقه,,
روعه كملت مشوارها مع خالد ومقابلاتها السريه في الشقه تزيد يوم بعد يوم ,, كل اسبوع تاخذلها كم يوم اجازه وتقضيه معاها واهلها يا غافرين لكم الله ,, ما يدرون عن شي
اما رويد هو وربعه نفس ماهمه وتضايقوا من خالد لانه متغير عليهم مو نفس قبل ما يدرون ليه متغير عليهم
والتوأم نفس ما هم عليه ..
اما رامي مصمم ع الزواج وينتظر رد ابوه لانه مو موافق على هذا الزواج
ولمى ردت للجامعه وتروح مع رؤى ورضى وترجع معاهم وعلاقتها ما تغيرت مع رامي كل واحد اله حياته وخصوصياته بعيد عن الثاني ,, وردت لزيد تتصل فيه بين الفتره والفتره وكما تدين تدان ..........
بخليكم الحين مع الحداث ......
في يوم من الايام رجعت لمى من الجامعه وما تدري انه رامي موجود في الحمام جاعد يتروش,, فسخت عبايتها وشيلتها رمتهم في السرير ورمت ملابسها الثانيه اللي لابستها ولبست روب الحمام كان قصير لفوق الركبه واتجهت للحمام وبدون ماتسكر الروب ,., فتحت باب الحمام ,, والصدددددددددددددمه كبييييييييييييييييييييييييييييييره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

البـــــــــــــارت السابـــــــــــع
لمى لما شافت رامي يسبح وكان كله صابون ,, شههههههههقت شهقه قووووووووووووويه وثبتت مكانها ما تحركت ,, وهو بعد تفأجأ وتم يطالعها من فوق لتحت ,, معقوله لمى بالجمال هذا وانا شهور عايش معها ولا لاحظت,, لمى لاحظت نظراته وهي من ارتباكها نست تسكر الروب ,, وبعدين انتبهت لنفسها وبسرعه لملمت نفسها وكانت بتتكلم الا وشافت رامي جاي صوبها وبحركه سريعه سحبها من ايدها وهي متفاجاه منه وتشوف نظراته كانت مثل الحيوان المفترس ويبي ينقض على فريسته ,, سكتت ما تكلمت ولا قاومت.. رضخت لواقعها المرير وبعدين ,,,,,,,,,,,,,,,,,,,,,,,,,
وبعدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خلااااااااص ولا ابلين <<ههههههه لازم اكتب كل شي يعني
*******
رويد نزل من غرفته بيطلع وهو طالع حصل ابوه في الصاله ,, مايذكر من كم يوم ماشفه ,, على طول طالع او نايم حتى الوجبات ما ياكل معاهم ,, , لما شافه ابوه ناداه : انت وينك حشى من كم يوم ما شفتك ,, لا تقول عندك ابو تسأل عنه ولا شي ,,
رويد قرب منه وحبه على راسه: اسف يوبه ,, تدري مشاغل
ابو رامي: مشاغل شو هذي ..ما عندك غير الهياته في الشوارع بس هذا اللي فالح فيه ؟؟
رويد:,,,,,,,,,,,,,,,,,
ابو رامي بعصبيه: انت لازم تداوم معنا في الشركه ,, والا والله ما بعطيك ولا فلس احمر ,, انت ما تشوف اخوك رامي ما شاء الله عليه ,., في كل شي يطيعني ,,
رويد في نفسه <اف ما عندهم غير رامي رامي غثوني فيه.......>
ابو رويد: هيه تسمعني؟؟!!
رويد: اسمعك يوبه انشاء الله مايصير في خاطرك الا طيب يالله بقوم الحين مواعد ربعي ,,
ابو رويد: انت ماتعرف تجلس معنا ساعه ع بعضها على طول طالع
رويد: انشاء الله يوبه
ابو رويد: الحكي ضايع معاك ,, قوم قوم من وجهي
رويد ما صدق وقام بسرعه قبل لا ابوه يغير رايه ,وابوه لاحظ هذا الشي ونادى عليه: لا تطيح وانا ابوك ما بغيت الفكه مني ؟؟ّّ!
رويد سفهه سوى عمره ما سمعني ....
رويد طلع واتصل في ربعه عشان ينفذو الخطه اللي رسمها في باله وبعد موافقتهم ,, الكل طلع بسيارة رويد الرنج ,, وخالد هذي المره طالع معهم ,,
رويد وهو يسوق : حيا الله خلود ,, ابي اعرف شو شاغلنك وهو يغمز له الحب اكيد
خالد: ايوه الحب عندك مانع ؟؟
ربيع: شكله العاشق زعل
رويد: نزين عرفنا عليها ,, اذا عندها اخت صديقه ضبطنا حبيبي نحنا في الخدمه
خالد: اففففففف عليكم ,, بقول الحبيب شغل راشد وفكنا من خرابيطتك
ربيع: ههههههه اي غنيه تبي ؟؟
خالد: اي شي؟؟
رويد: زيييييين
وخلى رويد على اغنيه بلا حب عناد في خالد؟؟!!
بلا حب بلا وجع قلـــــــــــــب
ويش جانا من ورى هالحــــــب
غير الالم غير التعـــــــــــــب ويش جانـــــــــــــا
يا ناس انا ما ابي دفـــــــــــــا
قلبي من الحب اكتفـــــــــــــى
وين العشق وين الوفا ودانـــــــــــــا
وبعد ربع ساعه وصلو على المول ونزلوا ناوين ها المره يسوي مغامره غير,, حياتهم بدون اكشن ما تنفع ,, مرووو على قسم الملابس الرجالي وراحوا القسم اللي فيه اغلى الماركات ,, وكل واحد منهم اختار له قطعتين ( قميص وبنطلون ) مع ملابس داخليه طبعا ,, واللي يخلص مختار يدش غرفه القياس ويلبس كل اللي اختاره الا البنطلون يبدله يلبس الجديد ويفسخ القديم ,, طبعا هم مختارين نفس لون الجينز اللي لابسينه ,, عشان لا احد يشك فيهم ,, وكل واحد بروحه داش المحل وما دشو مع بعض ,, ومن كبر المحل ومن الزحمه ما حد ركز فيهم ,, واللي يخلص شغله يطلع من المحل ومتفقين يلتقو في مكان معين ,, اول واحد خلص ربيع وبعدها رويد والتقو في المكان المتفق عليه ,,
ربيع ياشر عليه : وين خلود؟
رويد: بعده ماطلع لانه بعده ما دش غرفه القياس وايد زحمه في كل مره حد يدخل وينتظر دوره
ربيع: اسميك اخترت ملابس
رويد: والله ههاههاي بسلفك اياهن عادي
ربيع: ههههههه تصدق اتخيل نفسي فيهن
رويد: انا مو طويل وايد انت طويل وضعيف كأنك لوح
ربيع: أنا رشيق طال عمرك
رويد: وانا بعد رشيق حبيبي.. شوف بس عريض شوي من الاكتاف,, عشان البنات حبيبي يحبن نفس جسمي
ربيع: هههه المادح نفسه كذاب ؟؟!!
وشافوا خالد جاي صوبهم ,,
رويد: ايش فيك متبهدل ؟؟
خالد: وايد زحمه حشى كنت امـــــــــــــووت تبهدلت
رويد: ههههه يالله مشينا
ربيع: شوف شوف البنات اللي هناك يااااااااي قلبي
رويد: ايش رايكم وراهن
ربيع: يالله
رويد وربيع راحو وراهن اما خالد ما هتم ومشى وراهم بدون اللامبالاه ,,,,
********************
لمى صحت من النوم وشافت رامي نايم جنبها تفاجات اول مره ينام جنبي وبعدين تذكرت اللي صار بينها وبين رامي , بعدها جلست تتمعن في ملامحه,, ملامحه هاديه على عكس تصرفاته معي وطالعت شعره الناعم اللي منسدل على وجهه ,, وكان شكله وهو نايم ولا اروع ,, وقالت بصوت مسموع شوي ليتك تحبني يارامي او تعطف علي وترحمني ؟؟ وقربت منه ومسحت على شعره في هذي اللحظه هو بطل عيونه وجات عيونه في عيونها وخافت من نظراته بعدها قامت بسرعه وراحت على الحمام قبل لا يجرحها في الكلام ....
اما رامي حس فيها وشافها قد ايش هي خايفه لما فتح عيونه ,, ليش انا عاملتها كذا ,, حراام هي ما الها ذنب كل هذا بسبب ابوها بعد هي ضحيه نفسي ,, بس لين معقوله اخليها بعد حبي الكبير لها ,, ياربي ساعدني ,, ما ني قادراحب غيرك يا لين انتي سكنتي داخلي في اعماقي ,واللي صار بيني وبين لمى شو اسميه انا خنتها خنت لين خنتها يارب ,, بس لمى زوجتي على سنه الله ورسوله يعني ما سويت شي حرام, اففففف شو ها الافكار ياربي ,, خلني اتصل في هاني واشوفه أبي اطلع شوي وانسي همومي تعبت وربي بالحيل ,,
ودق ع رفيجه ورن رن عقبها رد
رامي: الوووووووووووو
هاني: هلا بالقاطع والله
رامي: اهلين فيك ,, شخبارك وشو علومك
هاني: تمام ولله الحمد
رامي: ايش رايك نطلع نغير جو؟؟
هاني: الحين
رامي: ايوه اذا مو مشغول
هاني: شوي بس عطني نص ساعه اخلص اموري
رامي: تم
هاني: نلتقي
********
روعه ف غرفتها تتصل في خالد بس ما يرد عليها بعدها دز لها مسج ( حبيبي انا مشغول شوي عندي ربعي .. بتصل فيك لما اكون بروحي .. سوري حبيبتي)
وهي ردت عليه ( يعني ربعك اهم عني)
(لا طبعا .. اتخسي الا هم .. اذاتبيني اتصل بروح في مكان بعيد عنه)
(لا خلاص حبيبي مو مشكله ,, بس لما تفضى اتصل فيني انتظرك )
( ولا يهمك حبيبتي ,, بشتاق لك موت )
( ترى ما بنام قبل ما اسمع صوتك حياتي)
(تم عمري وهذي بوسه امممممووووااااااحححح)
(حركات هااااا ههههههه)
(فديت ضحكتك انا)
اما عند خالد لما خلصو ربعه مغازلين انتبهو له ,,
ربيع: ابو الشباب اشوفك تراسل
رويد: ليكون القلب
خالد: ايه القلب يحبني مره
رويد:تستاهل ابو الشباب
ربيع: ايش رايكم نروح الشاليه نحتفل بنجاحنا
رويد: اسميك تفكر ربيعووووووه
ربيع: خلووووود بتجى معنا
خالد: لا الله يخليكم
رويد: شكلها ساحرتك هذي
خالد: هههههه
ربيع: بتروح معنا يعني بتروح اصلا احنا ما بنستغنى عنك .. بظبتكم على كيف كيفكم
خالد: اذا السالفه فيها بنات ماني برايح
ربيع يغمز حق رويد وبدون ما يشوفه خالد: ما فيها ابوي خل نروح الحين
خالد: متاكد
رويد: %100 فديتك
خالد: بنشوف ؟؟
وراحو الشباب ع الشاليه من بعد ما ضبطهم ربيع وترس الشاليه بنات وخالد ما درى الا لما وصلو وكان بيرجع ــــ بس رويد وربيع ما خلوه بعدها اخذهم الجو وخالد رضخ للامر الواقع ونسى يدق على روعه اللي جالسه تنتظره يدق عليها ,, وفوق هذا سكر جهازه عشان لا احد يزعجه ,,
اما روعه تعبت من كثر ما تتصل عليه ,, وبعدها ذرفت دموع لين ما تعبت وبعدها نامت ودموعها ع خدها بعدها ما جفت ,,,
تبكي لك عيوني شوق
وأنت بعيد عن داري
وتشكي من وله لعروق
وفكري تاه وحتاري
* * *
دخيلك يا رفيع الذوق
طلبتك تقبل أعذاري
أنا أحبك وربي فوق
عليم بكل أسراري
* * *
ياعذب الصوت والمنطوق
أخذت فوادي أجباري
مكانك يالغلا مرموق
بقلبي وأنته به داري
* * *
يزيد الشوق بيه عوق
بقربك تنطفي ناري
يحن القلب لك ويتوق
وهذي أخر أخباري
******
رامي وهاني طلعو وراحو يتمشون شوي في المجمعات وجلسوا في الكوفي عشان يشربولهم شي ,,
رامي: الا ماقلتلي هنوي شخبار الزواج
هاني : والله تمام عال العال
رامي: اها ....
هاني: ايه والله اللي يتزوج عن حب غير عن اللي يتزوج عن كره ههههههه
رامي: ما كانك تقصدني
هاني: اقصدك لا اخوي انت فاهمني غلط هههههههههههه
رامي: غلط هاااااااه
هاني: ههههههههههه
رامي: الله يغربل بليسك .. هههههههههه

جعدوا رامي وهاني سوالف وظحك لييييييين ماشاف حبيبه قلبه جايه مع واحد وهي بكامل زينتها وجلسوا قبالهم.. صدمه كبيره ظربته ع راسه ,, وجعدت ع الكرسي بس ما شافته ,, وهو كل انظاره هناك .. انصدم ما توقع ان حبيبت قلبه تكون بهذا المستوى خاينه ,, لين تخوني انا ؟؟ الكلبه الحقيره وما قدر يصبر اكثر وخاصه لما شاف الاخ يطلع شي من جيبه ,, هديه بعد ,, جاك الموت يا تارك الصلاه ؟؟
هاني استغرب من سكوت رامي فاجاه وشاف الشرر يطلع من عيونه : رامي اشفيك ؟ وطالع مكان ما يناظر وشاف انه يطالع وحده واحد بس ما عرف شو السالفه,, وبعدها قام رامي من مكانه والشرر يطلع من عيونه وراح لعند طاولتهم وظرب بايده بقووووووووه على الطاوله ,,اللي خلت لين تموت من الرعبه من شافته ,, اول مره تشوفه بهذي الحاله هو قرب منها وعطاها كف قوووووووووي اللي خلى الدم يطلع من انفها : ياحقيره تبيعيني عشان واحد مثل هذا ,, والله لا اخليكي تبكي بدل الدموع هذي دم ,, وانا مصدقك وضحيت عشانك ,, تخونيني يا حقيره يا سافله وقرب منها مره ثانيه وعطاها كم كف اللي خلاها دوخ وتطيح مكانها وهي ساكته ما عارفه بشو ترد عليه اما صديقها اللي جايه معاه هرب ع طول من شافه جاي صوبهم,, يفتكره واحد من اهلها ,, اما هاني لما شافه يضربها ما حب يدخل حسباله وحده من اهله ,, اما رامي من شافها طايحه ع الارض تفل في وجها: والله اذا شفت رقمك في موبايلي مره ثانيه ما تلومين الانفسك ياحيوانه ياحقيره
وكانت تبي تتكلم بس هوسكتها: تشب ولا كلمه ما ابي اسمع حسك مره ثانيه ,, خسارت حبي فيك يا حيوانه ,, الله ياخذك انشاء الله انا بعرف كيف بأخذ حقي منك يا بنت الكلب ,, والله لا ابيكيك دم وبتشوفي ............
رامي كان منهار مره ما توقع اللي شافه من لين ,, لين اللي كان يبي يتزوجها وياخذها على زوجته ,, هذي اخرتها معاها ,, وراح لعند هاني اللي كان يطالعه من بعيد وقاله: خير شو السالفه رامي ,, من هذي ؟؟
رامي: .....................
هاني: اذا تحب تقول شي انا اسمعك .. باي وقت ..
رامي: خل نطلع من هذا المكان الحين
هاني: يالله
****************
قهر ما كنت انا ادريـــــــــــــ
تعيشي في قلبي كذابـــــــــــه
قهر توي عرفت انـــــــــــــك
على الحبلين لعابـــــــــــــه
كذب كانت سواليفـــــــــــــك
وكل كلمه على كيفـــــــــــــك
وانا اللي احسبك روحــــــــــي
وقلبي اكبر احبابـــــــــــــك
وقلبي اكبر احبابـــــــــــــك
البـــــــــــــارت الثامـــــــــــــن☻☺♥
****************
رامي نزل هاني لعند بيتهم ولا تكلم معاه ولا كلمه ,, حاس ان الدنيا ضايقه فيه وقرر انه يروح عند البحر ,, يمكن البحر يقدر يغسل همومه شوي وينسى اللي صار ,, الا وهو سارح ف خياله رن موبايله بس ما اله خلق حق احد ,,, ومارد سكره عشان لا احد يزعجه
وجلس ساعات طويله عند البحر ومع الفجر قام وراح لبيته عشان يرتاح ,,لما وصل البيت دش كان الكل نايم والليتات مطفايات وصعد الدرج ودش غرفته ورجوله مو شايلته ,, وشاف لمى نايمه في الصاله كالعاده: مسكينه من تزوجنا وهي هذي نومتها ,, وقرب منها وهمس لها في اذنها : سامحيني ظلمتك وايد سامحيني,, وجلس فتره يطالعها ,ملامحها كانت ناعمه وهي نايمه وقرب منها وشالها داخل الغرفه وخلها ع السرير ,, وغطاها وهو راح يبدل ويصلي صلاه الفجر ,,, لانه اذن وبعدها راح ورمى نفسه في السرير ,, وراح في سابع نومه
في الصباح لمى نشت من النوم وهي مفزوعه لما شافت انها نايمه ع السرير: اووو أنا شو جابني هنيه ,,بس اذكر كأني كنت نايمه في الصاله ,, بس كيف جيت هنيه؟ متأكده كنت نايمه في الصاله ,,, متاكده كنت في الصاله ,, معقوله رامي هو اللي جابني ,, بس ليش ما اعتقد هو ما يطيقني في عيشه الله وما يحبني انام جنبه ,,عيل كيف جيت هنيه.. لاكون قمت بليل وانا ما دري وجيت نمت في السرير اووو احسن اقوم بدل لا يشوفني رامي واحصل بهدله محترمه منه ,, وقامت بسرعه وراحت الحمام وبدلت وصلت وبعدها طلعت عشان تروح الجامعه مع رؤى ورضى ,, ونزلت وحصلتهم يفطروا وقالت: صباح الخير
الكل : صباح النور
كان موجود في الصاله رؤى ورضى والام وروعه لأنها بتروح الدوام ,,
رؤى: ما كانك تاخرتي شوي؟!
وهي تجلس: شوي بس أخذتني النومه
رضى: يالله خل نروح تاخرنا
لمى: انتظري شوي بفطر
رؤى: افففففففففف
لمى: ما قلتولي وين رغوده
ام رامي: راحت المدرسه من 10 دقايق تقريبا
لمى: زين يالله خل نروح
رضى ورؤى: سارينا
وقامن البنات وراحن ع الجامعه
وبقت روعه مع امها
ام رامي: شو فيك يا بنتي؟
احسك هاليومين متغيره، فيك شي صاير شي معك بالدوام
روعه: لا يمه أنا عاديه ما فيني الا العافيه؟!
ام رامي: احسك دايم سرحانه وتفكرين
روعه: لا يمه ما فيني شي
وهي تقوم يالله يمه تأخرت ع الدوام تبين شي؟؟
ام رامي: لا يمه ديري بالك ع نفسك زين
روعه: انشاء الله يمه مع السلامه
ام رامي: مع السلامه الله يوفقك وينور قلبك يارب
قامت روعه من مع امها وكل تفكيرها في خالد ليه مسكر جهازه وليه ما اتصل فيها البارحه ،، حاولت تتصل فيه وايد بس جهازه كله مسكر،، وقالت وهي تمشي: يصير خير ياخلود انا براويك ...
ف مكان ثاني كانو خالد ورامي وربيع ف سابع نومه ،، وكلهم مسكرين اجهزتهم ولا دارين ع الدنيا ،، لحد الساعه 3 الظهر تقريبا ، بعدها نش رويد وهو كسلان شاف الساعه 3 الظهر وراح صحى ربعه..
رويد: ربيعوه ،، خلوود يالله قوموا الساعه 3 قوموا صلوا وشوفو اشغالكم
خالد بكسل: استغفر الله انت ما تخلي حد نايم
رويد: شوف الساعه كم؟
عادت الساعه 3 الظهر،، لا صلاه ولا عباده خلصونا
خالد: احلف ان الساعه ثلاث
رويد: والله
خالد قام بسرعه: صحيح الساعه 3 ،، وقام وراح تغسل وصلى وبدل ملابسه تذكر ع اللي صار امس كان مواعد روعه انه يتصل فيها،، يالله كيف راحت عن باله ونساها، وتذكر انه مسكر جهازه، وبطله وحصل 15 مكالمه من روعه و5 مكالمات من أمه ،، ياربي شو أقولها الحين،، ولو يعرف رويد علاقتي باخته شو راح يسوي فيني قتلي مايكفيه،، بس أنا ما كنت ادري انها اخته؟
غير ف المحكمه يوم املج شفت بطاقتها الشخصيه،، كنت بغير رأيي بس كان خلاص مايصلح ان افشلها قدام المليك ،، شو هذي الأفكار ياربي؟
رويد شافه سارح بأفكاره: خلود خلود
خالد:...........
رويد: هيه خلود وين سارح
خالد انتبه: هلا
رويد: هااا الحبيب وين سارح؟
ليله امس مانستك وغمز له
خالد: ههههههههه لا طبعآ مستحيل.. بس حاس بالذنب بيني وبينك
رويد: عيش حياتك بلا حب وبلا وجع قلب
خالد: ذكرتني براشد الماجد والله
رويد وهو يغني:
بلا حب بلا وجع قلب
ويش جانا من ورى هالحب
غير الألم غير التعب ويش جانا
خالد يكمل عليه:
ياناس أنا ما أبي وفا
قلبي من الحب اكتفي
وين العشق وين الوفا ودانا
وبعد ربع ساعه بالكثير طلعوا الشباب من الشاليه وكل واحد راح لبيته،،،
خالد من وصل البيت راح سلم ع أمه وطمنها عليه وبعدها اتصل بروعه بس ما ردت عليه ،، الاتصال الاول والثاني والثالث،، قال أكيد زعلانه مني ،
ما ألومها الصراحه؟ بس شو الحل معاها ما أبي اخسرها بدز لها مسج احسن حل ،، وكتب لها مسج طويل عريض وطرشه لها ،، وانتظر ترد عليه بس ما ردت...
أما عند روعه كانت نايمه وحاطه تلفونها علي السايلنت يعني ماسمعت ولا شافت المكالمات ،،
وهو ينتظرها على أحر من الجمر

اما رامي رجع من الشركه وهو هلكان وتعبان وحصل أمه ورويد ف الصاله يشربون شاي
رامي: السلام عليكم
ام رامي: وعليكم السلام
رويد: هلا برموي والله،، انت وينك ماحد يشوفك
رويد بدون صبر: أنا اللي وين؟!
أنت اللي دايم صايع ف الشوارع ولا حد داري عنك شي
ام رامي: صدق كلام أخوك، المفروض تروح تساعدهم بالشركه
رويد: اففففف أنا مو مال شغل والله ، اعتقد اذا داومت معاهم ب الشركه مليون ف الميه بتخسر
رامي وهو يوقف: انت بالأول سوى نيه وعقبها قول اللي تبي،
رويد:.......
ام رامي: وين رايح،، أبي اكلمك يمه؟
رامي وهو يجلس: خير يمه
ام رامي: بغيت اسألك بعدك مصر ع الزواج؟
رامي دارت الدنيا حوله تذكر الموقف اللي صار مع لين ، تمنى انه ما شافها ولا عرفها ف يوم من الأيام
ام رامي: رامي اكلمك وين رحت؟!
رامي: هاااااا
ام رامي: شوقلت؟!
رامي: لا يمه ،، هذا الموضوع موجل حتى اشعار آخر
رويد يغمز حق رامي: ما تكفيك وحده يالخسيس هاهاهاي ، طلعت مو هين والله ، تبي تتزوج هااا؟
رامي: اسكت ولي يعافيك
ام رامي:اففف منكم لازم تتناجرون يعني
رامي وهو يقوم: أنا بروح اريح شوي تعبان بالحيل من الشغل
ام رامي: ما تبي غدا؟
رامي: لا_ تغديت من الشركه كالعاده، شكرآ وحبها ع راسها وعقبها صعد فوق وراح غرفته ،، وحط ف باله انه بينسى لين طال الزمن ولا قصر وما بيرد الها وراح يتقرب من لمى يمكن تقدر تنسيه لين اللي كرس حياته كلها عشانها_
البـــــــــــــارت التاسع
__________________
لين ما دق ف راسها اللي سوته ف رامي كان هدفها الانتقام بس من كل الرجال_ لأنهم ف نظرها خوانين وكذابين هذا بحكم تجربتها الاولى مع شخص حبته من كل اعماق روحها وسوت كل المستحيل عشانه وبالأخير طلع خاين وكذاب وتزوج غيرها بكل سهوله ولا راعي تضحياتها ولا أي شي_ ومن بعد علاقتها الفاشله قررت انها تنتقم من كل الرجال اللي يصادفها بحياتها وكانت اولى ضحاياها رامي اللي خلته يحبها وبالأخير خلته يعض اصابع الندم _ واعتبرت هذا انجاز عظيم انجزته فحياتها الشخصيه،،
قامت روعه ع الساعه 6 المغرب كانت جايه من الدوام تعبانه ،، وأخذت جهازها وشافت مكالمات خالد والمسج بطلت المسج اللي كان مكتوب فيه( أكيد زعلانه مني عشان كذا اتصل فيك وما تردين، أنا ما ألومك ومعاك حق انك ما تردين ، بس لو تسمعي عذري كان سامحتيني، البارحه كانت امي مريضه وديتها المستشفى وتلفوني ما كان فيه شحن ، وردينا الصباح ،، ونسيت جهازي بالسياره، ونمت ولما صحيت تذكرت تلفوني بالسياره وهو مفضي أسف حبيبتي سامحيني أنا الغلطان)
روعه من قرت المسج اعذرته مسكينه ماتدري بكذبه واتصلت فيه ع طول
روعه: آلوو
خالد: هلا بحيبي وحياتي وعمري كله
روعه: اووو كل هذا لي؟
خالد: أكيد حياتي ، عذرتيني حبيبتي والله اسف عن امس كنت متوتر وايد وخايف على امي، أنتي تدري ماعندي غيرها ف الدنيا
روعه: سلامتها ماتشوف شر
خالد: الله يسلمك
روعه: تصدق امس جعدت اتصل فيك وايد والافكار تجي وتروح ،وايد خفت عليك انت تدري الشيطان
خالد: والله آسف حبيبتي، السموحه منك
روعه: مره ثانيه طمني عليك حبيبي بأي شكل_ لا تخلاني احاتيك فديتك
خالد: انشاء الله حبيبتي، تصدقين مشتاق لك بالحيل غلاتي
روعه: والله، استحي ترى
خالد: افا تستحي من زوجك حبيبك
روعه بدلع: حبيبي حرام
خالد: ابي اشوفك حبي والله ماني قادر استحمل، حسي فيني شوي
روعه:خلني ادبر اجازه من الدوام بالأول
خالد:متى حاولي بكره بليز
روعه:بحاول حبيبي وبرد عليك لا تحاتا، الحين بخليك تمام
خالد بزعل: تمام يا زوجتي العزيزه
روعه: أحبك
خالد: امممم ترى مابسكر والله
روعه: خل عنك حبيبي يالله بايـــــــــــــات
خالد: بايات عمري امووووواح
وسكرت روعه عن خالد وهي فرحانه وايد وطلعت وراحت لعند رؤى ورضى ف غرفتهم: هااااااي
رؤى: نشوفك مستانسه ف الصباح كنتي متورمه وحالتك حاله
روعه: حرام عليك
رضى وهي تطلع من الحمام: أشوفك اليوم زايرتنا خير في شي
روعه: قلنا نتطمن عليكم ولا تبوني اطلع
رضى: أفا اختنا الكبيره ، جعدي جعدي ما خبرتينا شو أخبار الحب؟
روعه تفأجأت من كلامها وارتبكت : شو هذا بعد الحب؟
رضى وهي تغمز لها: أنا سمعتك لما تتكلمي ف التلفون قبل شوي
روعه صار وجهها أحمر:.......
رؤى: يالله اعترفي
روعه: اممممم ........
رضى: بسرعه قولي من هذا
روعه: أنا الغلطانه جايه اجعد معاكم .. وقامت وراحت عنهم من العصبيه
رضى: معقوله تحب؟!
رؤى: وشو فيها يعني عادي
رضى: ذكرتيني بحب الطفوله هنودي ولد خالتي
رؤى: كان مايقدر يميز بيني وبينك ههههه
رضى: مسكين والله مهند كنتي دايمآ تقصين عليه
رؤى: ههههه كنت العب دورك لين ما آخذ الهديه وعقبها اعترف
رضى:ههههههه
رضى: تهجيه بعده يحبني؟
رؤى: يمكن .. ليش لا
رضى: بس أتوقع نساني لأنه من سافر امريكا للدراسه وهو مقاطعنا ولا حتى سأل عنا
رؤى: ايش رأيك نتصل ف منار أخته ونعزمها تجي معنا وبطريقتنا بنعرف منها آخر آخباره
رضى: والله فكره
رؤى: عيل بقوم الحين وبتصل فيها
وقامت رؤى وأتصلت ف منار وعزمتها تجي عندهم البيت وردت عليها وقالت لها بتجي عندهم باقرب فرصه لأنها اليوم مشغوله
ف الجهه الثانيه لمى كانت جالسه ف الصاله مال جناحهم تذاكر حق الامتحان ،، وفجآه رن تلفونها ، وكانت المتصله فيها مها،،
لمى: هلا يالقاطعه
مها: أهلين حياتي ،، وينك لا تسألي ولا شي
لمى: أنا موجوده بس الجامعه شغلتني شوي
مها: اذا اسبوعين شوي أنا ما بقول شي
لمى: ههههه فديتك تعدي الايام بعد
مها: أكيد مو أنا بس ، فيه ناس ثانين يسألوا عنك بعد ومأذيني بالاسئله عنك
لمى ارتبكت لما سمعت هذا الكلام من مها وماردت عليها:........
مها: لموي وين رحتي أكلمك
لمى: ها معاك
مها: لا الظاهر مو معاي بلمره
لمى:مهوي خل عنك
مها: بقول تعالي زورينا
زيد يبيك بموضوع
لمى: مها أنا متزوجه
مها قاطعتها: ادري بس ع الورق يعني، وهو يبيك على سنه الله ورسوله
لمى: كيف كذا عاد وأنا على ذمه ريال ثاني
مها: عادي تطلقي مادام لا تحبيه ولا يحبك
لمى بتردد: مها أبي اقولك شي ،، أنا ورامي
مها: شو كملي، لا يكون صار .......
قاطعتها: ايه هذا صار
مها: أنا شو اجول حق زيد الحين
لمى: قوليله ينساني
مها: مسكين والله كان متمسك بذره أمل_ الحين خلاص كل شي ضاع من ايده
لمى:والله اني قلبي معاه بس شسوي ما بيدي حيله حكم القوي ع الضعيف
مها: معذوره، عيل بخليكي الحين
لمى: تم،، بس اعتذريلي منه وايد
مها: يصير خير انشاء الله
مها من سكرت عن لمى راحت لعند زيد وخبرته بالسالفه ،، ما تتصورون كيف كانت ردت فعله، تأثر وايد وجلس يكسر بالأغراض ف الغرفه ودموعه ع خده وهو يصارخ ع مها: أنتي متأكده من كلامك هذا متأكده
مها: للأسف ايوه
زيد: الله يلعنها ويلعن الساعه اللي عرفتها فيها
مها: هيه شو ذنبها والله حرام عليك
زيد: تكفين مها ابي اسمع صوتها تكفي ساعديني أنا ما بقدر أنساها
مها: نزين انت اجلس الحين وريح اعصابك
زيد والحزن ف عيونه: أنا لازم انتقم من رامي هذا
مها: شو هذا الحكي بس هدئ اعصابك مو زين حق صحتك
زيد: بعدكم ما عرفتوا من زيد ، باخذ حقي منه رامي الكلب والله لأنه اخذ شي من ممتلكاتي، وما عاش من ياخذ شي من ممتلكاتي ، صبرت وايد وما بصبر أكثر
مها والدموع ف عيونها: انساها والله يعوضك يلي احسن عنها
زيد: انساها بكل سهوله
لا والله _ وقام بسرعه من مكان وطلع من البيت ركب سيارته ،، وهو حالته حاله مايدري وين الله جاطه،، ما ينلام والله بالأول فرح انه زواجهم كان بالورق ،، والحين العكس >> الله يعينك ويصبرك
اللي ايديه ف النـــــــــــــار
مو مثل اللي ايديه ف المـــــــــــــي
يلي تبيني انســـــــــــــاك
خفف عليا شـــــــــــــوي
يلي تعبت معـــــــــــــاه
واهديت لك حـــــــــــــبي
بعد السهر والشـــــــــــــوق
تجرحني ف قلبـــــــــــــي

البـــــــــــــارت العـــــــــاشر
_________
زيد من طلع من البيت ما رد غيرالفجر ومها كانت خايفه عليه وايد وكانت تتصل فيه بس هو مسكر جهازه_ ولمى بعد كانت طول الليل تحاتيه من بعد ما اتصلت فيها مها وخبرتها _
لما رجع زيد البيت حصل مها تنتظره ف الصاله
زيد بصوت مبحوح: مها ليش مو نايمه؟!
مها: انتظرك خوفتني عليك
زيد: لا تخافي أنا بخير روحي نامي الحين
مها: حاضر أنت متأكد انك مافيك شي
زيد: شو فيكي مهوي أنا بخير لا تحاتي روحي نامي
مها: اوكي تصبح على خير
زيد: وانتي من اهله
مر اسبوع عن الاحداث السابقه
قرر زيد بأنه ينتقم من رامي مهما كلفه الأمر،، أما لمى لاحظت تغير رامي المفاجي وماتدري شو السبب؟! وبنفس الوقت حاسه بمعانات زيد وقررت انها تروح تزور مها عشان تتفاهم مع زيد يمكن تقدر تحل المشكله،، اما روعه بطول الاسبوع طايحه مقابلات مع خالد بالشقه ومطنشه الدوام،، اما رويد يخطط ويتكتك عشان ينفذ مخطاطاته الجهنميه_
عند رامي ف المكتب كان طول تفكيره ف لين حاول ينساها بس طيفها 24 ساعه معاه حاول بكل الطرق يشيلها من راسه بس للأسف كل شي يمشي ضده ما كل ما يتمناه المرء يدركه تجري الرياح بما لا تشتهى السفن ،، يبي يفهم منها ليش سوت معاي كذا؟؟
وقرر انه يتصل فيها ع الأقل يعرف اسبابها يمكن يرتاح وفعلآ
أتصل فيها بس حصل جهازها مغلق أتصل مره واثنين وثلاث بس بدون فايده ولا حياة لمن تنادي، وعقبها بشوي دق تلفونه افتكرها لين وشاله ع طول ومن دون ما يطالع الاسم حتى
رامي بلهفه: آلووو
لمى: هلا رامي
رامي: منو معي؟
لمى: ايش فيك أنا لمي
رامي اندهش وشكله صح من اللي فيه: لمى؟!
خير بغيتي شي
لمى: كنت ابي اروح ازور صديقتي مها ممكن
رامي: روحي بس لا تتأخري
لمى: انشاء الله
رضى ورؤى ف غرفتهم جاعدات ع اللاب توب يسون بحوث حق الجامعه سمعن دق ع الباب ، رؤى قامت تفتح الباب : اووووو مو مصدقه منار عندنا ف البيت ، اقرصيني مو مصدقه اكيد احلم
منار: ههههه_ لا حقيقه مو حلم
وقربت منها وضمتها، ودشت الغرفه لماشافتها رضى فرحت وطارت من الوناسه قربت منها وضمتها : اشتقت لك بالحيل
منار: وأنا أكثر حبيبتي
رضى: وحشتيني ماكأنا بنات خاله ما نتشاوف غير ف المناسبات
منار: وأنتو بعد محد يشوفك
رؤى: احلويتي منوور
منار: والله
رضى: ايه صدقها رؤى احلويتي شو سر هالجمال عاد؟!
منار: عادي ، الا ماقلتي وين روعه ورغد ، ماشفتهم
رضى: روعه بالدوام مسكينه صايره مشغوله وايد هالايام
ف الدوام حتى ما يعطوها اجازات وايد
منار: الله يعينها
وجلسوا البنات سوالف وحش ف خلق الله وكانن يريدن يعرفن أخبار مهند بس للأسف منار ما جابت سيرته، وهن مو متعودات يسألن عنه عيني عينك ...
أما لمى راحت مع السواق لبيت مها ودقت الباب ،، وبطل زيد الباب وبصوت هادئ: تفضلي حبيبتي
لمى وهي تدخل داخل البيت: شكرآ وين مها؟!
زيد وهو يسكر الباب: تفضلي شو فيك خايفه مني الحين بتجي
لمى: هيه وين راحت أنا قايله لها اني بجي
زيد: أنا قايل لها تخلينا ع الأقل نص ساعه عشان نتفاهم
لمى والارتباك واظح عليها: نتفاهم بشو زيد
زيد بحزن: لمى ليش خليتيه، أنا والله احبك وما أقدر استغنى عنك
لمى:........
زيد: انتي نسيتي حبنا بهذي السهوله والله حرام، انتي ماتدري بعذابي كل يوم انا متعذب ف هواكي ياعمري ارجوكي حسي فيني
لمى والدموع مليانه عيونها: أنا حاسه فيك والله وحبي لك ما بتغيره الأيام أنت ف قلبي موجود وتأشر ع قلبها
زيد يمسك ايديها: والله انتي تحبيني
لمى:......
زيد وهو يمسك يدها الثانيه: تكفي ردي، يمكن بترد روحي
تكفي حبيبتي تكفى راح اعوضك عن كل شي ، بس ابي كلمه وحده منك _ تكفين
لمى بخجل: احبك
زيد بفرح: احلفي تكفي
لمى: والله احبك !!
زيد طار من الفرح وقال: أسمحي لي لمى ما بقدر اصبر أكثـــــــــــــر
لمى :لا زيد لا ارجــــــــــوك
زيد: والله ما بقدر اسمحي لي
روعه كانت مع خالد بالشقه،،
روعه قامت بتلبس عبايتها عشان لا تتأخر على البيت بس خالد مسكها من ايدها: لا تروحي خليكي معاي
روعه: ما بقدر حبيبي شوف الساعه كم بتأخر؟
خالد: بزعل منك ترى
روعه: أنا اللي بزعل منك لين متى راح يبقى زواجنا ف السر
خالد: والله غصب عني
وأنتي تدرين، بعدني ما حصلت وظيفه
روعه: افففففف بس انا مليت من هذي العيشه
خالد:وأنا بعد؟
روعه:وشو الحل؟
خالد: الصبر مفتاح الفرج حبيبتي
روعه: ليـــــــــــــن متى بس؟
أخاف يصير بينا شي اكبر خالد
خالد: شو تقصدي؟
روعه: ماشي لا تشيل هم باي
خالد: بـــــــــــــاي حبيبتي راح اشتاق لك
رويد طلع من غرفته وهو معصب حده يدور على الشاحن مو محصله ف غرفته وراح لغرفه رؤى ورضى وفتح الباب بقوه وبدون مايدق الباب ونادى : ررؤؤى بصوت عالي
منار تفأجات من دخول رويد المفاجئ وعلى طول تغطت باقرب لحاف جنبها، اما رويد ما صدق عيونه وقال ف باله معقوله تكون منار صارت بهذا الجمال وقال بنبره هادئه: آسف ماكنت احسب في احد معكم
رضى بعصبيه: خير ليش جاي والشرر بعيونك شو بغيت؟!
رويد وعيونه بعدها على منار:هاااه
رؤى: من قال هاااااه سمع
رويد: بغيت الشاحن من اخذه منكم؟!
رضى بكل برود: أنا
رويد: نزين جيبيه بسرعه
رضى: نزين لا تاكلنا بس
رؤى: نزين سلم ع البنت جالس تطالعها كذا بدون سلام
رويد: افففف ، اطلع احسن لي
رضى: والشاحن ههههه
رويد: افففف نسيته جيبيه خلصينا
رضى: نزين لا ينطلك عرق بس
رويد: ينطلك أنتي بين عيونك انشاء الله قولوا امين
منار ورضى ورؤى: ههههههههه
رويد بصوت عالي: ههههههههههههههههههه
طلع رويد وصوت ضحكاته تتردد ف الممر _ أما رضى ورؤى منار بعد صوت ضحكاتهن عالي...
منار: والله بموت من الظحك
رضى: هههه شكلك دودهتيه ما شفتيه كيف كان يطالعك
منار: كأنه محلو بزياده أخوك
رؤى: أحممم من وين طاحته الحلاوه هذي
منار: حرام عليكم من زمان ماشفته والحين محلو بزياده
رضى: اسكتي احسن
وتموا البنات سوالف وضحك وتنكيت،، وقالت منار حقهن انه مهند بيرجع من السفر عقب شهرين لما يخلص الامتحانات
لمى قامت بسرعه وعدلت لبسها لما سمعت طراق ع الباب،، زيد بعد 10 دقايق تقريبآ راح وفتح الباب ( باب الصاله) ___‎كانو جاعدين ف الصاله لأن البيت فاضي _ عايش هو اخته بروحهم لأن امهم وأبوهم ميتين بسبب حادث فظيع من سنتين _ المهم قام زيد يفتح الباب لأخته..
مها: تأخرت عليكم سوري زيد
زيد ف باله احسن تأخرتي: عـــــــــــــادي وتركهم وطلع
مها دشت وشافت شكل لمى مبهدل بعض الشي : آسفه مو قصدي أتاخر لمى بس حصلت بنت الجيران وجعدت اسولف معها جنب الباب ونسيت الوقت خير صاير شي؟
لمى: لا _ ماصارشي انا بروح الحين تأخرت وايد
مها: ليش؟ خلك جالسه معاي شوي
لمى: لا أنا تأخرت بروح الحين
وأخذت شنطتها بسرعه وطلعت وكانت كلها ندم وحسره : أنا ليش سويت كذا؟ليش قلبي ضعف من كلمتي؟
أنا خنته خنت رامي يا حسرتي يارب سامحني؟
أنا كيف خنت زوجي بكل سهوله وليش؟_آه كله منك يارامي كله منك_ كله منك_ دمرتني_ الله يدمرك
انت دمرتني وقضيت علي_
بس تستاهل اللي يصير فيك والله تستاهل.. عمرك ما حسستني بانك زوجي كل واحد جالس بحاله _ أنت اللي حرضتني ع الغلط .. أنا ما إلي ذنب بكل اللي صار .. الذنب كله ذنبك

قهر ما كنت أنـــــــــــــا ادري


تعيشي بقلبي كذابـــــــــــــه


قهر توي عرفت انـــــــــــــك


ع الحبلين لعابـــــــــــــه


كذب كانت سواليفـــــــــــــك


وكل كلمه على كيفـــــــــــــك


وأنا اللي احسبك روحـــــــــــــي


والقلب أقرب أحبابـــــــــــــك





وراحت ع البيت وطلعت على طول غرفتها ومن حسن حظها ما حصلت احد ف الصاله ولا ف الدرج،، لأنها ما تبي احد يشوفها وهي بهذي الحاله،، وبسرعه دشت الغرفه _ والمفأجأه انها حصلت رامي بالغرفه_ حاولت ترجع لطبيعتها وتمسح دموعها بسرعه قبل لا يشوفها ويشك فيها _ وقالت: السلام عليكم


رامي: وعليكم السلام


لمى بسرعه فسخت الشيله والعبايه ودشت الحمام ولا تكلمت معاه ولا كلمه زياده _ كانت تبي تجلس بروحها ماتبى تشوف احد ولا تكلم أحد _ حست بأن الدنيا ضايقه فيها وجلست ف الحمام فتره طويله وهي تبكي_ رامي حس بتأخرها وخاف عليها وراح لعند باب الحمام ودقه: لمى لمى


لمى انتبهت لعمرها وقالت : هلا


رامي: خير صاير شي _تأخرتي وايد فالحمام


لمى: لا تحاتا انا بخير وف بالها( كله منك يالحقير)


رامي: نزين خلصي بسرعه ابيك بموضوع _


لمى: اوكي ..






البــــــارت الحــــــــــادى عشر





من بعد ما طلعت لمى من الحمام حصلت رامي منسدح ع السرير ينتظرها .. قربت منه


لمى: خير تبي شي؟


رامي عدل نفسه وجلس ع حافه السرير: ايوه أبيك بموضوع


لمى ف خاطرها ليكون عرف بلي سويته اليوم لا ما اعتقد من وين بيعرف


رامي: لمى تسمعيني


لمى: أيوا اسمعك


رامي: أنا بصراحه ناوي اصلح علاقتي معاك_ ادري اني ظلمتك وايد معاي ومقصر بحقك .. ومن اليوم ورايح راح نعيش مثل أي زوجين ..


لمى( بعد شووو بعد شووو يارامي): ........


رامي: لمى أكلمك شو قلتي؟


تحبي نعيش مثل أي زوجين


لمى: اللي اعرفه إنك تكرهني.. كيف نزل الحب عليك مره وحده.. ولا صار بينك وبين حبيبتك خلاف والحين جايني.. رامي لا تفتكر ان لعبه عندك ..انا عندي احاسيس ومشاعر ..


اذا ما تبيني بيت ابوي مفتوح لي بأي وقت.. شو ذنبي أنا بلي صار بين أبوي وابوك.. وجلست تبكي بكاء يقطع القلب وخلت راسها بين ايديها _ رامي قرب منها ومسك ايديها : خلاص لمى لا تبكي وأنا بعد كنت ضحيتهم ..


بس لازم نكمل ولا نيأس .. أنا صحيح كرهتك بالأول وكرهت الساعه اللي تزوجتك فيها بس الحين غير.. فكرت وايد فموضوعنا احنا ممكن نكمل حياتنا مثل أي زوجين والحب بيجي مع الأيام


لمى: ما أبي شي منك.. أبيك تطلقني_ انا ما أبيك ؟ طلقني الحين الحين


رامي: اطلقك والحين جاي أبي اصلح كل شي


لمى: بعد شو جاي تصلح _ خلاص رامي أنا مقتنعه بكلامي


أنت ما تستاهلني ما تستاهلني أرجوك افهمني ..


رامي: أنتي ليش تقولين هذا الكلام؟ صاير معاكي شي؟


لمى: سوري رامي أنا بجمع اغراضي الحين وبروح لبيت أهلي وأتمنى ترسل ورقه طلاقي هناك لأني ما بتحمل العيشه معاك أكثر


رامي: انتظري بنصلح كل شي


لمى: آسفه أنا لازم اروح الحين.. ارجوك طلقني ما أبي ادخل معاك ف محاكم وبلاوي


طلقني وتزوج حبيبتك




لمى جمعت أغراضها ف الشنط ورامي جاعد يطالعها باندهاش مايدري شو فيها وشو غيرها.. نزلت تحت حصلت ام رامي ورغد ف الصاله


ام رامي: على وين يا بنتي .. وليش كل ها الشنط؟


لمى: انا بروح بيت أهلي ما بتحمل العيشه أكثر من كذا مع ولدك


ام رامي: عسى ماشر يابنتي رامي ضايقكك بشي ولا شيات


لمى : ما أدري أنا ابي اروح بيت أهلي.. ما ابيكم .. .. وراحت عنهم بسرعه لعند الباب وتسحب وراها شنطتها ...






وبعد شهرين من الاحداث السابقه .. لمى من طلعت من بيت رامي ما رجعت له ورامي رافض الطلاق.. وحاول كم مره يكلمها بس هيه ما عطته أي فرصه للنقاش .. حاول معها بكافه الطرق بس للأسف كل محاولاته باءت بالفشل.. ومن عقب سالفتها مع زيد .. تغيرت علاقتها مع مها صديقه عمرها..


صارت تكره كل شي بحياتها وخاصآ لما عرفت إنها...............






حــــــــــــامــــــــــــل





كرهت نفسها وحياتها.. وصارت انطاوئيه لأبعد الحدود .. ماتدري من أبو الطفل هذا.. هل هو رامي؟! أو زيد؟! .. ضاقت فيها الدنيا وقررت انها تخفي حملها هذي الفتره عشان تفكر ف هذي المصيبه اللي حلت عليها وكيف بتحلها؟!




هذي هي اخبار لمى .. أما زيد حاول يتوصل لها بأي طريقه بس ما قدر .. لأن علاقتها ف مها تغيرت وايد ..




أما روعه علاقتها مع خالد استائت شوي لأنها تبيه يدور شغل بأسرع وقت عشان يجي يخطبها قبل لا يفوت الآوان




اما رويد وهو وربعه سرقوا لهم كم محل .. بنفس طريقتهم طبعآ .. وفي يوم من الأيام مروا على محل الذهب اللي سارقينه من أول هم نسوه بس البائع تذكرهم .. لما شافهم راح ركض لعندهم.. ونادى بأعلى صوته: حرامي حرامي حرامي


بالأول ما انتبهوا له بس لما صدوا لوراهم حصلوا .. شافوه يأشر عليهم وتذكروه وسوو الشــــــــــرده على طول.. قبل لا يخبر الشرطه وتصير فضيحتهم فضيحه .. وراحو بسرعه ركــــــــــض والناس كلهم تطالعهم وما عارفين شو السالفه .. وركضوا ركــــــــــض ليــــــــــن ماوصلو السياره وهو وراهم وكم واحد معاه عشان يمسكوهم .. وركبوا السياره بسرعه وطلعوا وهم يلهثوا من التعب .. وكان رويد مسرع بسرعه جنونــــــــــــــــــــيه


وما انتبه حق الاشاره.. وصار إلي غير متوقع




حــــــــــــــادث


فضيع جدآ بحيث ان السياره كلها راحت واللي يشوف السياره بيقول أكيد اللي فيها كلهم ماتوا ...





الكل كان مجتمع ف الصاله الام والاب ورامي ورؤى ورضى ورغد وروعه


أم رامي : رامي شو الحل الحين مع زوجتك؟


رامي: والله ما أدري.. هيه ما تبيني .. بخليها بعدني كم شهر يمكن بتراجع نفسها


ابو رامي: أبوها أمس قالي ما بيدخل بينكم.. حلو مشاكلكم بروحكم


رامي: وهذا اللي بسويه يا يوبه


قربت رضى ورؤى من أبوهن : باباتي نبي نسافر لما نخلص جامعه .. نبي نغير جو؟!


ابو رامي: بنشوف لبعدين يابنتي


رضى: والله ملينا من البيت باباتي


روعه: وأنا بتخلوني بروحي


رؤى: أخذي اجازه ياخي


روعه: شو يعني كل يوم اجازات


أم رامي: وانتي متى أخذتي اجازه كله مداومه


رضى: ايه صحيح متى اخذتي اجازه


روعه( لازم اغلط الحين يعني):...........


ابو رامي: يصير خير لصيف


رغد : تبون تعرفون آخر نكته صارت


رامي: لا مانبي


رغد: انت ما تبي تسمع سكر اذنيك


رامي يقلدها: والله


رغد:المهم كان فيه واحد جالس ف غرفته ولابس جاكيت تدرون ليش؟


رامي: لا


رضى: أنا ادري


رغد: قولي؟


رضى: يحسب نفسه ف اوربا


رغد: هاهاهاي ضحكتيني بس غلط


رؤى: يبي يصور!!


رغد: هاهاهاي غلط


ابو رامي: مريض بردان


رغد: غلط غلط


رامي: خلصينا قولي ليش؟


رغد: ما عند احد جواب


رامي:عرفت بس قولي انتي بالاول وبعدها بقولك


رغد: لا.. اذا تبي تقول قول الحين ما شي بعدين


رامي: بقول بعدك


رغد: خلاص بقول لأنك اصلآ ما تعرف


رامي: قولي يا فيلسوفت زمانك


رغد: لأنه زايد المكيف فــــــــــــــــــــــــــــــول


رامي بصوت عالي: هههههههههه


روعه: ههههه بايخه


رضى: ههههه سخيفه






راح نرد للحادث جات الاسعاف بالأول طلعوا خالد لانه كان راكب ورى وقدروا يطلعوه بسهوله.. أما رويد وربيع لأنهم قدام .. كان الجزء الأمامي من السياره ضاغطت عليهم بقوه وما قدروا يطلعوهم بسرعه .. ربيع توفي قبل لا يطلعوه لان الظربه كانت براسه والدم ينزف من راسه بشكل كبير وطلعوه بمساعده الآت خاصه لمثل هذي الحوادث.. اما رويد كانت رجوله عالقات تحت والسكان كان ضاغط ع صدره بقوه حتى آثاره كانت واضحه ف جسمه بصعوبه طلعوه بصعوبه وكانت حالته صعبه وايد .. وكان ولله الحمد عايش .. المهم آخذوا الحالات الى المستشفى .. وأتصلو بأهلهم من تلفوناتهم اللي حصلوها ف مكان الحادث ..


أتصلوا برامي لأنها كانت اخر مكالمه مستلمه منه ورن وشاف الرقم غريب وطلع من الصاله ...


رامي:آلــــــــــو


المتصل: اخ رامي


رامي قام مكانه لانه خز ف خاطره : نعم مين معاي


المتصل: المستشفى تعرف واحد اسمه رويد


رامي: ايوه .. خير شو صاير.. أنا أخوه


المتصل: سوى حادث وهو ف مستشفى (.........)


رامي: طمني عليه


المتصل: هو زين زين لا تخاف




رامي ارتبك وخاف ما دري شو يسوي وأهله يطالعوه من بعيد وأشر لهم انه بيطلع .. وطلع بسرعه وآتصل بأبوه عشان يخبره لانه كان جالس معاهم وما عرف كيف يخبره.. وأبوه من شاف رقمه شك انه في شي وما أظهر قدام البنات شي.. وشل تلفونه وطلع من الصاله وشاف رامي ينتظره برى وخبره السالفه وطلعوا ع طول المستشفى.

البــــــــارت الثــــــــــاني عشــــــــــر
وصلوا رامي وأبوه ع المستسفى وراحو سألو عن الحادث اللي صار قبل شوي وخبرهم موظف الاستقبال ان اثنين منهم ف العنايه وواحد متوفي ... لما سمعوا هذا الكلام من الموظف حسوا ان الدنيا تدور فيهم ومشوا بخطوات ثقيله لحد ماوصلوا القسم وسألوا عنهم والحمد لله تأكدوا انه عايش واللي متوفي اسمه ربيع .. وأنتظروا الدكتور لحد مايطلع من عنده عشان يطمنهم عن حالته... ولما شافوا الدكتور طالع راحو ركـــــــــض لعنده
رامي: ها دكتور طمنا على رويد
الدكتور:والله يا ابنى حالته ما تطمنش بس الحمد لله على كل شي وان الله نجاه من الحادث
أبو رامي: خوفتنا يادكتور طمنا عليه
الدكتور:ما تخفش ياحاجي .. هو بخير بس
رامي قاطعه: بس شو؟!
كمل صاير شي فيه؟
الدكتور: سيبني اتكلم بس
رامي : نزين كمل
الدكتور: بصراحه صابه شلل دايم
ابو رامي: شو شلل؟!
الدكتور: للأسف ايوا ودايم بعد وفوأ هذا هو داخل ف غيبوبه، ادعو له ان يطلع منها
ابو رامي: نزين يادكتور ممكن نسفره برى ، يمكن العلاج متطور عندهم
الدكتور: والله ياحاجي العلاج اللي نديله اياه هون نفسه اللي يدهوله برى
رامي: نزين ممكن نشوفه؟
دكتور: الحين لا مش ممكن، حالته لسه ما ستقرتش اصبرو لين ما تستئر حالته
رامي: بليز يادكتور ثواني بس
دكتور: خلاص خشوا بس دئيئه وحده و ما تطولوش
رامي: حاضر دكتور مشكور
دكتور: العفو
ودش رامي مع أبوه غرفه العنايه ،، تفأجأو لما شافوا رويد بهذي الحاله كله اجهزه،، ووجهه كله ضربات وكدمات ومتورم وعينه وحده مايله للون الأزرق ،، قربوا منه اكثر ومسك رامي ع ايده وأبوه مسك اليد الثانيه وحاولوا يصحوه ولكن لا حياه لمن تنادى ،، اللي يأكدلهم انه عايش هي دقات قلبه ف الجهاز بس،، أما هو جسد بلا روح ..
من بعد ماطلعوا من عنده واطمنوا عليه راحو ع البيت ، والكل كان حاسس انه في شي .. وجعدوا ينتظروهم
لما وصلوا ع البيت ،، الكل راحوا ركـــــــــــــــــض لعندهم
ام رامي: خير شو صاير لكم قلبي ناغزني والله؟
روعه: رويد فيه شي؟
رؤى: طمنونا خوفتونا عليكم
رامي وهو ينزل راسه:.........
رضى: يوبا طمنا شو صاير
ابو رامي: ما صاير شي تطمنوا بس رويد سوى حادث بسيط وهو بخير تطمنوا احنا الحين جايين من عنده
ام رامي من سمعت هذا الكلام طاحت ع الارض مغمى عليها .. خافوا عليها وايد عليها واللي يجيب الماي .. واللي يبكي وكانت حالتهم حاله ..
وع الباكر من الصبح راحوا كلهم ع المستشفى.. وما خبروهم عن رويد انه راح يتم طول عمره مشلول ..
أما خـــــــــالد حالته استقرت وطلعوه من العنايه ع القسم ..وكان عنده كسر في يده اليمين ورضوض بسيطه ف ظهره وخبروه انه ربيع توفى .. وايد حزن وتأثر على وفاه ربيع .. ومرت عليه شريط من الذكريات ف الأيام اللي عاشوها مع بعض وجعد يبكي مثل الأطـــــــــفال .. ربيع مـــــــــات ف غمضت عين وحتى قبل لا يتوب .. كانت حياتهم كلها صياعه .. يمكن هذا درس إلهم عشان يتعلموا منه .. الحياه مهما كانت طويله اكيد وراها مــــــــــــــــــوت وحساب وعقاب ..
فقدتك يا عز النـــــــــاس
فقدت الحب والطيبـــــــــه
وأنا من لــــــــــــــــــي
في هالدنيــــــــــــــــــا
سواك ان طالت الغيبـــــــــه
رحلتوا من بقى وييــــــــــــــاي
يحس بضحكتي وبكـــــــــاي
وحتى الجرح ف بعـــــــــدك
يغزيني وأهليبــــــــــــــــــه
فقدتك يا أعز النـــــــــاس
فقدت الحب والطيبـــــــــه
وصلوا الكل لعند قسم العنايه المركزه .. وشافوا الدكتور طالع من عندهم وراح لعنده..
رامي: طمنا دكتور كيف حالته استقرت؟؟
الدكتور: أيوا يا ابنى حالته استئرت الحمد لله
رامي: الحمد لله
الدكتور: بس لساته ف الغيبوبه وما نعرفش متى بيصحى منها
رامي: يارب يشفيه
الدكتور: ادعوا له هو محتاج لدعائكم دلوئتي
رامي: انشـــــــــاء الله،، نزين ممكن نشوفه
الدكتور: ايوا، بس ادخلو واحد واحد وما تطولوش عنده
رامي: انشـــــــــاء الله مشـــــــــكور يادكتور
وراح رامي لعند أهله وخبرهم بكلام الدكتور ودشوا واحد واحد لعنده ...
أما خالد قام من سريره وراح غسل وجهه وطلع بيروح يزور رويد ويطمن عليه،، من بعد ما خبره الممرض عنه ،، ومن بعيد لمح طيفها ،، طيف روعه وهي واقفه ع الجدار ودموعها على خدها تسيل،، آه ياروعه أنا ظلمتك وايد معاي ،، انشاء الله احصل شغل بأقرب فرصه واجي اخطبك من أهلك ..
خالد رجع وماكمل طريقه ،، بينتظر أهل رامي يروحوا وبيرجع بعدين

البـــــــــــــــــــارت الثـــــــــــــالث عشـــــــــر

لمى كانت جالسه هي واختها لمياء وأمها بالصاله ودش ابوها

ابو لمى: السلام عليكم

الكل: وعليكم السلام والرحمه

ابو لمى: اقول ما سمعتوا بالخبر

ام لمى: خير أي خبر

ابولمى: رويد أخو رامي سوى حادث أمس

لمى:كيف حالته الحين عسى ما تعور؟

ابو لمى: المسكين داش ف غيبوبه

ام لمى: لا حول ولا قوه الا بالله

لمياء: الله يقومه بالسلامه

ابو لمى: من المستحسن انكم تروحوا تزوروه

لمى: لا أنا مابروح .. روحي إنتي يمه

أبو لمى: مو زين يا بنتي بلي تسويه ف ولد الناس شهرين وانتي معلقه

لمى: هو ما يبي يطلقني شو اسوي فيه

ابولمى: إنتي مرتاحه كذا؟

لمى: أيوا مرتاحه

أم لمى تناظر ابو لمى: قوم وصلني ع المستشفى بروح ازوره

ابو لمى: روحي لبسي عبايتك وانا بنتظرك ف السياره

ام لمى: انشاء الله

أبو لمى وهو يناظر لمى: وانتي متأكده ما بتجي معنا

لمى: أيوا توكلوا ع الله .. وكانت تبي تقوم حست بدوخه وطاحت ع الكرسي

لمياء: لمى شو فيكي؟!

لمى: ما فيني شي طمني يمكن ضغطي نزل شوي

ابو لمى: بوديك المستشفى

لمى : لا يوبه.. أنا زينه ما فيني شي صحتي زي البووووم

ابو لمى: انشاء الله دوم

لمى قامت بسرعه من عندهم وراحت غرفتها.. وأبوها طلع ينتظر اما لمى عشان يوديها المستشفى .. اما لمياء طلعت لعند اختها فوق..

خالد تحسنت حالته وايد بس بعده ما طلعوه من المستشفى.. وأمه على طول تزوره وتجيبله الاغراض اللي يبيها .. وهو مستغرب ليه لحد الحين ما طلعوه.. وليش كل شوي يجوء ياخذوا عينه من دمه .. وهو يا غافرين لكم الله مايدري شو السالفه؟!

خالد تضايق وايد من هذا الموضوع.. وشاف الممرض جاي صوبه مره ثانيه وقاله بعصبيه: أنتو ليش كل شوي تاخذون مني دم ليش؟! .. انا شو فيني؟!

الممرض: ما فيك شي أنت لا تخاف.. بس نتأكد من شغله

خالد: تتأكدوا من شو بالضبط؟

الممرض: ما أدري اللي علي سويته

خالد بصراخ: ليش ما تدري؟

أنت شو وظيفتك هنيه هاه

الممرض: نزين ليش تصارخ

خالد: ابي اروح لعند الدكتور .. وصلنى لعنده الحين

الممرض: نزين.. تفضل بس بدون صراخ

وطلع خالد من الغرفه وراح لعند الدكتور ف مكتبه بمرافقه الممرض ..

خالد دق الباب ودش: السلام عليكم

الدكتور: وعليكم السلام والرحمه تفضل خالد

خالد: دام فضلك يادكتور

دكتور: زين اجيت يا أبني.. كنت انا بجيك هلأ

خالد: أنا شو فيني يادكتور

طمني الله يطمنك

الدكتور: شو أئولك ياخالد ..

خالد: تكلم جول والله خوفتنى

الدكتور: اهدأ شوي.. اولآ بسألك

عندك علائات مشبوهه مع بنات

خالد حز ف خاطره وخاف زياده: علاقات مع بنات شو دخل هذا بهذا؟؟

الدكتور: أنت جاوبني بالأول وبعدين بفهمك

خالد: أنا عندي الايدز يادكتور

تكلم جول تكفي_ جول لا

الدكتور: افهم من كلامك ده انه عندك علائات مشبوهه صح

خالد بانفعال: عندي.. بس طمني قولي ما فيني الايدز جـــــــــــــول تكفى جـــــــــــــول مافيني هذا المرض ارجوك دكتور

الدكتور: للأسف يا ابني انت مصاب بالايدز

خالد بصراخ والدموع مليانه عيونه: احـــــــــــــلف .. جـــــــــــــول لأ لأ

جـــــــــــــول لأ لأ.. أنا ما فيني شي أنا مافيني شي .. الايدز لا الله يخليك لأ .. كله منهم أنا ماكان ودي اروح معاهم.. دمروني الله يدمرهم_ دمروني

الدكتور: من دول اللي دمروك ؟

خالد بصراخ: ما ادري عن شي اتركوني بحالي اتركوني بحالي

الله ياخذني الله ياخذني.. أبي اموت الحين الحين

خالد مر عليه اليوم مثل الصاعقه وما هدئ بطول اليوم

غير بالمهدئات بس ..و على طول يتهرطم ويدعي ويسب وبس .. كانت نفسيته صفر

لو ندمت الحين شو يفيد الندم

أما روعه على طول تتصل في خالد بس جهازه مغلق وما تدري شو سالفته؟!

وما تدري ان حبيبها وزوجها قضى على حياتها بدون ماتدري ولا هو يدري؟!

بعد فتره صحى خالد وتمنى انه ماصحى .. تمنى انه تنشق الارض وتبلعه ولا يسمع كلمه من كلام الدكتور.. تمنى لو انه مات بالحادث .. ولا انه يقضى على حياه أغلى انسانه عنده .. روعه اللي تزوجته ف السر وثقت فيه عطته حياتها وعمرها وأعز ما تملك.. هذا يكون جزاتــــــــــــــــها .. .. خالد بطول الوقت جعد يبكى ويتحسر ويضرب بنفسه .. وأمه لاحظت الحزن في عيونه لما كانت تزوره وحسبالها متضايق من موتت رفيجه ماافتكرت اللي فيه أكبر وأعظم .. ما افتكرت اللي فيه دمار نهايه.. عقاب .. جزاء .. عذاب .. وكل ما تحمله الكلمات من معاني ..

في يوم كانت أمه زايرته ف المستشفى وكان خالد نايم بأثر المهدئات اللي يعطوه اياها.. وانتظرته ليــــــــــــن ماصحى وفتح عيونه

ام خالد: يمه خالد انت صحيت

خالد بحزن: ايه يمه وياريتني ما صحيت

ام خالد خلت ايدها ع قلبها: الله يخليك ياولدي.. ليش جاعد تجول هذا الكلام .. تبي تخلاني بروحي يكفي ابوك تركنا .. أنا من لي غيرك بهذي الدنيا من؟!

أنت سندي في الحياه ياولدي..

خالد: أنا مو مني فايده خلاص يايمه .. حياتي انتهت انتهت .. وبدت عيونه تدمع

ام خالد:أنت شوفيك ياولدي .. ليش تسوى بنفسك كذيه؟! .. وليش هذي الدموع هذا يومه والله يرحمه ويرحم موتانا اجمعين

خالد: ياريتني أنا ولا هو

ام خالد: لهذي الدرجه رفيجك غالي عندك.. خوفتني عليك جــــــــــــول شو صاير لك .. أنت فيك شي؟

خالد: خليها على الله أنتي بس .. ولا تحاتي ..

ام خالد: نزين يمه ،، هاك تلفونك ،،

خالد مد ايده وأخذ التلفون: شكرآ يمه

ام خالد وهي تقوم: أنا بروح الحين وخلي بالك ع نفسك

خالد: انشاء الله يمه لا تحاتي

ام خالد: ومتي بيطلعوك ما قالولك؟

خالد: كلها كم يوم وبيطلعوني انشاء الله

ا م خالد: نزين يامه في وداعه الله

لما طلعت أمه على طول بطل جهازه وحصل مكالمات روعه،، وايد تضايق وهموم الدنيا كلها تجمعت ف قلبه ،، وما درى شو بيسوي؟!

هل يصارحها؟! أو يخبي عليها؟!

احتارت الأفكار ف راسه ،، وفكره توديه وفكره تجيبه،، وف النهايه قرر انه يتصل فيها مهما كانت الظروف،، لازم ماييأس ويعيش حياته.. ودق عليها مع انه كان متردد شوي بس خلى كل شي ورى ظهره ودق رن رن بعدها ردت وبصوت عصبي شوي: أهلين لو ما بطلت جهازك كان احسن ،، وينك فيه؟! وليش مسكر جهازك من فتره؟! هاه ليش ساكت ؟! ليش ماترد علي؟!

خالد: احممم، بالأول أنتي خليتني أتكلم

روعه: تكلم اسمعك ،، وكلي آذان صاغيه

خالد: أنا سويت حادث

روعه : شـــــــــــــو؟!

ســــــــو يــــــــت ح ا دث

خالد: ايه والله وكان جهازي مو معي ،، واليوم جابته أمي

روعه: والله غريبه؟!

خالد: وشو الغريب؟!

روعه: أنت متى سويت الحادث ؟!

خالد: ليـــــــــــــش؟

روعه: أنت جول وعقبها بخبرك كل شي

خالد: من 4 ايام تقريبآ

روعه: أوووووووو.. اخوي بعد سوى حادث ف نفس هذا اليوم

خالد: ب ص راح ه

روعه: بصراحه شو؟!

خالد: أنا كنت معاه بنفس السياره

روعه:يعني تعرف رويد ومو بعيده بعد يكون صديقك وأنا آخر من يعلم صح !!

خالد: لا تفهميني غلط بليز

روعه: والله أنت واحد كذاب ليش ما خبرتني من الأول ليـــــــــــــش؟

خالد: أنا أعرفه من قبل لا أعرفك آصلآ،،

روعه: وتتعرف بعد؟

خالد: بليز حبيبي افهميني،، عرفته انه اخوك لما كتبنا عقد الزواج وشفت بطاقتك الشخصيه في ملكتنا وربي هذي الحقيقه

روعه : ليش ما خبرتني ليشـــــــــــــ؟

ليـــــــــــــش تبي تهدم الصوره الجميله اللي راسمتها لك؟

ليـــــــــــــش ما تقدر تضحيتي لك؟

أنا شـــــــــــــو ذنبي بس؟!

ذنبي اني حبيتك؟

لو الحب ذنب ماكان احد ف هذا الكون حب

خالد ف خاطره (هذا كوم واللي سويته فيك كوم ثاني سامحيني يا اعز الناس)

روعه: ليش ساكت؟ ليـــــــــــــه ماترد علي

خالد:اممممم أنا معاك اسمعك،، طلعي كل اللي بخاطرك ومايصير خاطرك الا طيب أنا استاهل كل شي يجي منك ،، وربي استاهل وقابل كل شي وعاذرك ومقدر ظروفك..

انشاء الله يارب امـــــــــــــوت

اذا كذا بترتاحي

روعه: بسم الله عليك.. لا تقول هذا الكلام مره ثانيه أنت فاهم؟!

خالد: المـــــــــــــوت أهون مليون مره من هالعيشه اللي عايشها الحين

روعه: أنت ليش تفأول ع عمرك؟ ليش؟ حيرتني معاك ما عدت افهمك خـــــــــــــلاص

خالد: أنا بسكر الحين لاني تعبان بالحيل .. ديري بالك ع نفسك

روعه: تم .. بس لا تسكر جهازك لأني بتصل عليك بعد شوي بطمن عليك

خالد: اوكي.. لا تحاتي بـــــــــــــاي

وسكر خالد وكله حسره وندم ع اللي سواه ف روعه .. بس كل شي مقدر ومكتوب .. وكل واحد راح ياخذ نصيبه من هذي الحياه .. اذا حلو أو مر

البـــــــــــــارت الرابـــــــــــــع عشـــــــــــــر
الدكتور عرف كل شي عن خالد وكيف انتقل له المرض .. خالد اخبره بكل شي بس اخفى حقيقه زواجه .. الحقيقه الصعبه المره اللي راحت ضحيتها روعه.. والدكتور سوى فحص حق رويد بس طلع سليم ولله الحمد ..
ياجرح من وين ابتـــــــــــدى
يلي كل احزاني عليـــــــــــه
انزف ويجرحني الزمـــــــــــان
وابعثر اوراقي عليـــــــــــه
أما لمى كانت وايد محتاره بموضوع الحمل .. وما تدري شو تسوي مع هذي المصيبه اللي حلت عليها.. فكرت وايد واحتارت.. وآخير توصلت لحل وسط .. انها بتكمل حملها عادي .. ولما تولد راح تسوي تحليل ‏dna‏ واذا طلع ولد رامي راح ترد له أكيد .. واذا طلع ابن زيد بيحلها ألف حلال .. الا وهي غارقه ف تفكيرها ما حست لما دشت لمياء غرفتها.. لمياء نادتها ونادتها ولكن لا حياه لمن تنادي ..
وبعدها صرخت ف اذنها: لمــــــــــــــــــــــوي
لمى بدهشه: وجع خرعتيني
لمياء: وين عقلك؟ بشو جاعده تفكري؟
لمى: ف هالدنيا والله.. خير ايش بغيتي؟
لمياء: ف هالدنيا فهمنا فهمنا
لمى: شو فهمتي يعني؟
لمياء: اجـــــــــــول لموي أنت من متى حامل ؟
لمى من هول الصدمه نست فمها مفتوح:.........
لمياء: هيـــــــــــه لموي ما كأنك نسيتي فمك مفتوح ههههههههههههههههه
لمى انتبهت ع نفسها: وربي سخيفه
لمياء وشوي بتنفجر ضحك: هههههههـــــــــــه
لمى: وربي سخيفه تقدري تطلعي من غرفتي
لمياء: لا ما أقدر .. ما قلتي لي من متي وأنتي حامل؟
لمى: انتي شو تخرفين الحين
لمياء: هذا الكلام مو علي أنا وتغمز لها بعينها
لمى: وبعدك متأكده ما شاء الله عليك
لمياء: ومليون ف المئه بعد
لمى: والله.. احلفي بس عشان اصدق
لمياء: بالأول خلي عينك ف عيني والكذاب راح ينكشف أكيد لا مجال لنكران
لمى: أنا ما أنكرت
لمياء: يعني تعترفي بأنك حامل صح جولي لا تستحين
لمى:.......
لمياء: الحلو ليش ساكت .. السكوت علامه الرضى هاه
لمى: ترى وايد تخربطي. .شو دليلك ؟
لمياء وهي تتخسر: دليلي الدوخه اللي كانت وما زالت تجيك وثانيا الاستفراغ اللي تستفرغيه كل شويه والثاني والدليل الأقوى هو..... وسكتت شوي وبعدها كملت راح اخبرك ف وقت ثاني
لمى: وليه ف وقت ثاني؟
لمياء: اولآ ليش ما خبرتينا انك حامل؟ ليش ما تبي احد يعرف؟
لمى: اففففففففففف منك انا بطلع احسن لي
لمياء: وين ما تبي تشوف الدليل الاقوى
لمى وهي تطلع من باب الغرفه: لا خليه لك
لمياء حصلت جهاز فحص الحمل ف الزباله بالصدفه .. عشان كذا تأكدت ان لمى حامل.. بس ما تدري ليه مخبيه حملها عن أهلها.. وهذا الشي مسبب إلها غموض وحيره
راح نرد للمستشفى .. من بعد ما اعترف خالد بكل شي .. الدكاتره عملوا فحص حق رويد وبدون اهله ما يعرفوا أي شي طبعآ .. وطلع سليم ولله الحمد .. وخالد فرح له وايـــــــــــد .. وطلع من المستشفى وحالته النفسيه تعبانه وطلبوا منه الدكاتره يروح حق مستشفى متخصص لأمراض الايدز عشان لا يتطور المرض بسرعه ..
ســـــــــــاعـــــــــــات
ساعات أحس ان الزمن قاســـــــــــي قاســـــــــــي
ولا يمكن يليــــــــــــــن
وساعات ساعات احـــــــــــس
أن الفرح محال ولا يمكن يحـــــــــــين
إلى من يعلمني الفرح
ويفرح القلب الحزيـــــــــــن
ويفرح القلب الحزيـــــــــــن
في يوم كان خالد جاعد يقرأ قرآن من بعد ماهداه الله الى الطريق المستقيم ... جاته مكالمه من رقم غريب .. تردد بالأول انه يرد بعد ما شاف اصرار المتصل ...
خالد: آلو السلام عليكم
......:وعليكم السلام رحمه الله .. معاي خالد ال.....؟
خالد: أيوا أنا خيـــــــــــر
.......:أنا موظف من شركه (.......) ونبيك باكر انشاء الله حق المقابله
خالد ف خاطره : الحين عاد بعد ما ضاع كل شي .. بعد ما انتهيت جيتوني.. بعد ماضاع الأمل أملي ف الحياه.. ويش الفايده الحين .. يارب صبرني
.........: آلـــــــــــــو آخ خالد أنت معاي
خالد: هـاه ايوا معاك
........: عيل ننتظرك بكره الساعه 9 _لا تتأخر
خالد: انشاء الله بكون ع الموعد عندكم
.......: اوكي ف آمانه الله
خالد: مع السلامه
وسكر خالد وهو بين فرح وحزن _ من بعد ماكان ينتظر هذي اللحظه من سنوات وبفارغ الصبر _ الحين ما عادت تعنيله اي شي ...
سته شهور مضت ع الا حداث السابقه وأهل رويد ينتظرون انه يصحى من الغيبوبه بفارغ الصبر... أما خالد توظف من بعد المكالمه بشهر تقريبآ من بعد ما نجح ف المقابله واستمر بعلاقته مع روعه عادي وبدون ما يخبرها بشي .. ولقائاته معها صارت نادره وهي محتاره ومستغربه من هذا الشي.. ومن بعد ما توظف قرر يخطب روعه خطبه رسميه من أهلها وعقبها بيخبرها الحقيقه و ف الوقت المناسب .. أما لمى كملت حملها وأهلها عرفوا وفرحوا لها بس حذرتهم لا يجولون حق رامي باي شي .. ومن الجهه الثانيه لمى ما خبرت مها أي شي لأن اللي بينهم كانت مكالمات فقط لا غير .. عشان لا يوصل الخبر حق أخوها وبعدين بتصير مصيبه .. لين ما جأ هذا اليوم اللي مها زارت فيه لمى في يوم غير متوقع ...
وصلت ليــــــــــــن الباب ودقت الجرس وفتحت لمياء إلها الباب....
مها: السلام عليكم
لمياء: وعليكم السلام هلا مها كيفك وشخبارك؟
مها: انا زينه _ شخباركم انتو وشخبار لمى .. اشتقت لها وايد
لمياء: تفضلي نسيت وقفتك ع الباب_ حيــــــــــــاك تفضلي
مها: دام فضلك_ الا وينها لمى أبي اسوي لها مفأجأه
لمياء: فوق ف غرفتها _ بخبرك تعالي نطلع لها ف الغرفه بنسويلها سبــــــــــــرايز
مها: يالله
وطلعن بشويش لحد ما وصلن
لغرفت لمى وكانت متسدحه ف سريرها _ المسكينه الحمل تاعبها _ وتريح شوي
مها دقت الباب_ وردت عليها : دشي لمــــــــــــوي على فكره انتي وايد مزعجه
وفتحت مها الباب شوي شوي وكانت لمى مخليه ظهرها ع الباب _ مها صرخت بصوت عالي : سبــــــــــــــرايز
لمى تفأجأت وما توقعت ان مها بتزورها ف يوم من الأيام .. والمستخبى راح ينكشف الحين
وقامت لمى وبطنها قدامها .. واللي خلى مها تتفاجأ بعد ..
وراحت وسلمت عليها بحراره
مها: وحامل بعد وأنا ما أدري
لمى: نصيب وشو نسوي بعد
مها: فديتك.. وربي مشتاقه لك وايــــــــــــــد
لمى: وأنا بعد فديتك.. مو كأنك ضعفانه شوي
مها: لزوم الريجيم حبيبتي
لمى: حسبالي الحب غزى قلبك
مها: أنا وين؟! والحب وين؟! ههههه
لمى: علي أنا هذا الكلام
مها: وربي.. خلي عينك ف عيني
لمى:ههههه .. تصدقي مو باين شي ف عيونك
مها: هههه فديتك حبيبتي_ إلا ما جلتيلي وينك عني ف الاشهر الماضيه؟
وليش دايم تتهربي مني؟
وكلامك كله مختصر لما أتصل فيك؟ شو اللي بينك وبين أنا احترت معاكم
لمى نزلت راسها:.......
مها: لمى ردي علي أنا ما أبي هذا السكوت .. أبيك تردي وتفهموني.. زيد مأذني بسوآله عنك وأنت ف أوقات كثيره
طنشي أتصالاتي وحتى مسجاتي مع إني عمري مازعلتك أبي افهم لمى تكفيــــــــــــــن تفهميني
لمى: تكفي مها لاتذكري زيد قدامي لأني خلاص نسيته ما عاد يعنيلي شي ولاشي
مها: ليش؟ تصدقي انا قلبي ناغزني من ذاك اليوم اللي تركتم بروحكم ف البيت _ احساسي يقول انه صار بينكم شي وعشان....
قاطعتها لمى: تكفى لا تكملي
مها: عيل لازم تفهميني كل شي الحين_ لازم تتكلمي عشان نقدر نحل مشكلتك _ ولا تعاندي
لمى : خلي كل شي ف القلب أحسن
مها: لا .. أنتي لازم تفهميني..
أنا حاولت من زيد عشان يجولي شي بس ماشي فايده معاه استخدمت كل الطرق.. لأنه من هذاك اليوم وهو منقلب حاله رأس على عقب _
لمى والدموع تغطي وجها: خلاص أنا بخبرك كل شي لأني ماني بقادره اشيل الهم بقلبي اكثر من كذا
مها: تم _ وأنا كلي آذان صاغيه
وبدت لمى تسرد كل شي حق مها من طأطأ الى السلام عليكم _ ومها ما تفاجأت بالعكس كانت حاسه انه صار شي بينهم _ ولزمت على لمى تسوي التحليل بعد الولاده عشان تتأكد وبعدها يشوفوا الحل المناسب ... ولمى حست شوي براحه من بعد مافضفضت كل اللي بقلبها حق صديقتها

البــــــــــــــارت الخــــــــــامس عشـــــــــــر
في المستشفى اجتمعت عايله رامي كلها من بعد ما جاهم اتصال وأخبروهم ان رويد أفاق من الغيبوبه من بعد 7 أشهر وهو بين الحياه و الموت .. والكل فرح له _اما هو تمنى لو انه ماصحى من بعد ماعرف بحقيقه اعاقته وبيتم ع الكرسي بطول عمره_ ومن بعد ماعرف بموت صديق عمره ربيع الي كان معاه ف الحلوه والمره .. تمنى انه ماصحى تمنى الموت من كل أعماقه_ اعصابه انهارت للأخر وكان مايهدئ الا بالمهدئات_ تعب وايد وصرخ جن ضرب كسر سوى كل شي يقدر عليه ولكن لا مفر من حكم القدر _
ومن بعد ثلاثه اسابيع تقربيآ خرج رويد من بعد ما هدئت أعصابه ورضى بواقعه المرير _ خرج وكانت نفسيته مستاءه جدآ _ كان ما يكلم أحد _ ولا يجلس مع احد _ طول وقته حابس نفسه ف غرفته وما كان يخفف ألمه غير خالد إللي كان يزوره من فتره لفتره _ رويد يرتاح بجيه خالد لعنده وايد وما درى اللي ف خالد اعظم وأكبر من اللي فيه...
يارب اشكيلك بحالــــــــــــــي
الشكوى لغير الله مذلــــــــــــه
في يوم كان الكل جاعد ف الصاله الا رويد الي حابس نفسه ف غرفته ..
رؤى تكلم أمها: يمه لين متى رويد بيتم منعزل عن الناس كذا ..
أم رامي: والله يابنتي ما أدري والله حالته تسكر الخاطر حيل.. الله يصبره ويطلعه من اللي فيه
رؤي ورضى: آميــــــــــــــن
أم رامي: الا صحيح نسيت عن اخبركم خالتكم اليوم اتصلت فيني وخبرتني ان طياره مهند اليوم الفجر
رامي: مهند بيرد
ام رامي: ايه بيرد خلص دراسته
رامي: يبوني اجيبه من المطار
ام رامي: لا بيجيبه أخوه محمد .. ارتاح انت يمه
رؤى تغمز لرضى وبهمس: بيوصل حبيب القلب هنيالك
رضى: اسكتي لا تفضحينا بس
رؤى: شو شعورك الحين؟
رضى بهمس أكثر: بطير من الفرح وربي بس خايفه يكون نساني خلاص
رؤى: ما بعتقد
رضى: ياريت والله
رغد تقاطعهم: ويش فيكم انتي وياها تساسرون .. شو عندكم هاه؟
رؤى: وأنتي شو يخصك؟
رغد: بس أبي أعرف شو تقولون
ام رامي: أنتو ما تعرفوا تجلسوا الا تتهاوشو
رضى: نعرف ماماتي فديتك
رامي وهو يقوم رن موبايله وشاف رقم غريب ورد وهو يطلع لحديقه البيت
رامي: آلــــــــــــــو
.......: مرحبا رامي شخبارك؟
رامي تفاجأ وفتح عيونه للآخر: لين
لين: حسبالي نسيت صوتي
رامي: لا ما نسيته .. خيــــــــــــــر بغيتي شي
لين: نزين ليش هذي النفس الخايسه اللي جاعد تكلمني فيها
رامي بعصبيه وبصراخ : وأنتي اللي سويتيه فيني شوي هاااااه
_ أنا ما عندي غير هذا الأسلوب اكلمك فيه عاجبك عاجبك مو عاجبك هذي مشكلتك
لين:..........
رامي: ليش ساكته ردي لاه
لين: رامي بليز افهمني أنا أبي اعتذر منك لا أكثر ولا أقل
رامي: تعتذرين هــــــــــــــاه ويش يفيد الاعتذار الحين_ وبصوت أعلى : تكلمي ليش ما تردين .. أنتي خلاص طحتي من قلبي
لين وعيونها مليانه دموع: بهذي السرعه طحت من قلبك
رامي: وأكثر مما تصوري بعد .. شو رايك؟ مو أنا اللي ينضحك علي بعدك ما عرفتيني زين .. ما عرفتي رامي اللي يكرهك موت ولا وده يشوفك أويسمعك
لين:وربي حرام عليك .. أنا مو استاهل هذي المعامله منك مهما كان .. أنت تجرحني كذا .. طول هذيك الشهور وأنا اعاني .. تعذبت وايد ونفسيتي تعبت.. ندمت ع كل شي وحتى راجعت طبيب نفسي ف الفتره الأخيره
رامي قاطعها وباستهزاء: ههاههاي .. وهذا اللي ناقص بعد أكلم مجانين .. بجول باي ودوريلك ع واحد تضحكين عليه
وسكر ف وجها من دون ما يسمع ردها حتى ...
طحت من عينــــــــــــــي
بعد ما كنت عالــــــــــــــي
وحبك ارخص لــــــــــــــي
بعد ما كان غالــــــــــــــي
كل شي ارضى بــــــــــــــه
إلا الخيانــــــــــــــه
وبعدها يحرم على قلبك وصالــــــــــــــي
سكر رامي ومادرى شو قال لكن مااهتم.. ودش الصاله ما كأنه صاير أي شي .. وترك لين لهمها وندمها .. ولو كان ف مكانها أكيد كان عذرته وسامحته ..
ع الساعه 1 الفجر كان السكون والهدوء سيد الموقف ف بيت أهل لمى .. إلا ف غرفت لمى اللي جاعده تصارع الألم ( طلق الولاده) من ساعتين وأكثر وعقبها ما قدرت تتحمل الألم فسحبت نفسها سحاب لين ما وصلت غرفه أمها ودقت الباب عليها وهي ف قمه ألمها .. من شافتها أمها وهي بهذي الحاله على طول صحت أبوها ولبست عبايتها وع طول طلعوا المستشفى من بعد ما خبروا لمياء طبعآ..
وصلوا ع المستشفى بسرعه كبيره وعلى طول دخلوها غرفه الولاده .. وأبوها وأمها ينتظروا برى بفارغ الصبر يخرج أي احد منهم عشان يطمنهم عليها .. مرت ســــــــــــــاعه ســــــــــــــاعتين ثـــــــــلاث وهم ينتظروا وأخيرآ خرجت الممرضه وطمنتهم عليها وعلى ولدها .. ولدت بعد عذاب ســــــــــــــاعات طويله .. ولمياء كانت تنتظر اتصالهم بفارغ الصبر وكانت جاعده تحاتيهم لين ما أتصلوا فيها وبشروها ..
وفي المقابل كانت عيله مهند تنتظره ف البيت .. والكل كان صاحي .. ومحمد راح يجيبه من المطار.. وجاعدين ينتظرونه ع نار.. من بعد غياب سنين عنهم.. الكل متلهف لشوفته وفرحان لردته .. وصلوا ع الساعه 4:30 الفجر .. ولما دشوا البيت الكل تفاجأ
ام محمد ايدها ع قلبها: مستحــــــــــــــيل لا لا
منار: معقـــــــــوله مهند
مروان: وربي مو مصــــــــــدق
محمد نزل راسه هذي حقيقه يمه.. رايح الخارج يجيب شهاده وشوفي شو جاب معاه
أكيد تبون تعرفون شو جاب معاه ..
جاب معاه عيلته زوجته واولاده الثلاثه .. من أول سنه سافر فيها وشاف فيها (جيني) زوجته .. حبها وتزوجها بكل سهوله وانجب منها ولدين توأم عمرهم ثلاث سنوات وبنت عمرها 7 أشهر وأهله ياغافرين لكم الله .. ومن غير شكله اللي متغير من فوق لتحت.. مطول شعره وصابغه اشقر.. والحلق ف اذن وحده.. والسلسال ف رقبته ونصف القميص مفتوح و و.........
و.........
و .........
و......... الخ ..
أمه واخوانه تفاجأوا وايد والابتسامه ف وجوهم اختفت ع طول من دش هو وعيلته البيت .. ما توقعوا يطلع كل هذا من مهند ..
وفي المقابل رضى اللي فارقها النوم من سمعت بردت مهند .. وهي طايره من الفرح والوناسه .. وعايشه ع أمل انه يردلها في يوم من الأيام .. ولكن للأسف فرحتها ما تمت ..
على الساعه 7 الصباح ف المستشفى كانت لمى مستانسه وايد بولدها ما توقعت انها راح تحبه وايد ..اما أبوها قرر انه يتصل برامي ويخبره بولادتها ولو انه ما كان يدري بحملها اصلآ ومن دون ما يعطي خبر حق لمى .. وعلى الساعه 9 طلع برى غرفه لمى واتصل في رامي وتلفونه رن كم رنه عقبها رد
رامي: السلام عليكم .. هلا عمي شخبارك ؟
ابو لمى: وعليكم السلام .. تمام الله يسلمك.. كيفك وكيف الأهل؟ انشاء الله زينين
رامي: الحمد لله بخير.. ما يشكو باس ..
ابولمى: بغيت ابشرك انه جاك ولد أمس بليل
رامي بدهشه: شــــــــــــــو ولد .. كيف؟!
ابو لمى: هههاي.. كيف يعني؟
رامي: أقصد يعني كيف؟
ابو لمى: ههههههه... وربي ضحكتني .. شو فيك ياولدي تخبلت ؟
رامي بتردد: تقصد يعني لمى كانت حامل
ابو لمى: عليك نـــــــور
رامي: إحلف؟!
ابو لمى: شو شايفني عندك جاهل عشان اكذب عليك
رامي: الحشيمه عمي.. بس ماني مصدق انه ف يوم وليله صار عندي ولد
ابو لمى: وليش مو مصدق عاد احنا الحين بالمستشفى تعال عشان تتأكد بنفسك نتظرك ف أمان الله
وسكر أبو لمى وخلى رامي بصدمته وفرحه .. مو مصدق انه صار أب ف يوم وليله .. وما درى شو يعمل هل يضحك؟! أو يبكي؟! وهو بطول الفتره الماضيه ما يدري ان زوجته كانت حامل .. وطلع من غرفته لعله يحصل حد يفهمه شي وشاف امه ف الصاله جاعده تشرب شاي وراح لعندها ..
رامي: يمه ؟!
ام رامي: خير ياولدي فيك شي
رامي: باركيلي جاني ولد
ام رامي وتشرب الشاي طاح القلاس من يدها وانكسر
رامي بسرعه راح لعندها: سلامتك يمه
ام رامي: كيف مرتك كانت حامـــــــل ونحنا آخر من يعلم
رامي: أبوها يقول كذيه .. أنا ما كنت ادري عن شي .. الحين بس أتصل فيني وخبرني وقال انهم الحين بالمستشفى
ام رامي: مستانس؟ صرت اب الحين
رامي: والله ما ادري افرح ازعل اغني ارقص ما ادري مشاعري متخبصه فوق حدر
ام رامي: خل نروح المستشفى
رامي: يالله قومي .. اجهزي وانا انتظرك
ام رامي: انشاء الله.. لين ما اجهز روح خبر أخواتك أكيد بيفرحن لك
رامي: اوكي
رامي وهو يصعد فوق حصل رغد ف طريقه وناداها بصوت عالي : رغود
رغد: وجع صمختني .. خيـــــــر
رامي : باركيلي
رغد: ليش اشتريت سياره
رامي: لا
رغد باستهزاء: اشتريت طياره
رامي: وربي سخيفه.: بس برد عليك.. هم لا
رغد: اخذت ترقيه
رامي: لا
رغد: ترى هلكتني لا _لا _لا_ لا
رامي: لا
رغد بصراخ : هيه جنيت
رامي: لا
رغد: اففففففففف بـــــــاي
وراحت بدون ما تسمع شي منه.. وهو راح لغرفه روعه ودق الباب وعقبها دش : مرحبا
روعه: أهلين .. غريبه رامي زايرني ف غرفتي
رامي يمد ايده إلها: بالأول صافحيني
ومدت ايدها بتصافحه : شو فيك اليوم مسخن
رامي: مبروك روعه
روعه: ليش انخطبت وانا ما ادري
رامي: لا صرتي عمه
روعه تفاجأت: ما سمعت شو صرت؟!
رامي: ببساطه صرتي عمه
روعه: كيـــــــف؟
رامي خبرها بكل شي عقبها
راح لغرفه رؤى ورضى لكن للأسف حصلهن ف سابع نومه..
وطلع وحصل أمه جاهزه وطلعوا ع المستشفى ..
أما لمى من بعد ولادتها بفتره
طرشت مسج حق مها واخبرتها بولادتها .. وزيد ما كان يدري بشي .. وعلى حسب الا تفاق اللي بينهن انهم ما يخبروا زيد بشي.. لين ما تسوي الفحص حق الولد لأثبات النسب ف عياده خاصه.. واذا طلع ولده راح تخبره بكل شي ..
رامي وامه وصلوا ع المستشفى وكان وايد فرحان .. مفتكر انه ولده .. ولمى ما كانت تدري ان رامي عنده خبر بولادتها وتفاجأت وايد لما شافته زايرها .. وهالشي زاد الطين بله.. وخاصه لما شافت الفرحه ف عيون رامي وهو شايل ابنه قصدي اللي يظنه ابنه وتمنت انه يكون ابنه بالفعل عشان ترد له وتعيش حياتها كفايه 9 اشهر وهي بعيده عنه من بعد ما اصرت ع الطلاق وطلقها بدون ما يعرف انها حامل والا كان مستحيل انه يطلقها .. ما تبي تدفع حياتها ثمن غلطه سوتها بسبب ظعفها وقله حيلتها

الســــــــادس عشــــــــــــر والأخــــــــــــير
خالد بعد ما داوم ف الشركه قرر انه يخطب روعه من اهلها خطبه رسميه يمكن يصلح جزء من اغلاطه وقال حق امه انه يبي يتزوج عشان تروح تخطب له.. وأمه فرحت له وايـــــد.. وروعه بعد استانست وايد بهذا الخبر بس للأسف هي ما تدري شو مخبي لها القدر ..وقرر خالد يكلم رويد بالأول ويشوف رايه .. أتصل فيه ولحسن حظه كان جهازه مفتوح.. وبعد كم رنه رد..
خالد: مرحبا
رويد: أهلين فيك خلود
خالد: كيفك وشخبار صحتك
رويد: تمام الحمد لله أحسن على كل حال
خالد: أبي أكلمك بموضوع .. اذا فاضي الحين
رويد: فاضي لا تحاتي
خالد بتردد: أنت تعرف اني الحين صرت اشتغل والحمد لله وراحت ايام الطيش والصياعه ..
كنت أبي...........
رويد قاطعه: ليش متردد كمل
خالد: بصراحه أبي اخطب اختك اذا كنت موافق برسل امي حق أهلك وبس شو قلت؟!
رويد كان حاس بهذا الشي: وهذا الله مرددنك .. ما يصير بخاطرك الا طيب بخبر الأهل وبردلك خبر
خالد: اوكي.. بنتظر ردك بفارغ الصبر
رجع رامي من المستشفى وهو طاير من الفرح وخاصه لما شال ابنه وحظنه .. وع طول راح لغرفه رويد عشان يبشره انه صار عم ودق الباب ودش:
هاي أخي العزيز
رويد باستغراب: أهلين ..
رامي: بالأول صافحني وبوسني
رويد: شــــــــــــو ؟! أنا مو فاضي حق خرابيطك هذي
رامي: مبروك مبروك يا أخي العزيز صرت عم
رويد: أنا صرت عم كيف
رامي: راح اقولك كل شي بس خلني ارقص بالأول شوي
رويد: انت بعقلك ؟ شارب شي؟
رامي جعد يترقص ويتمايل كأنه ما جد شاف خير ورويد يطالعه با ستغراب وما فاهم شي ..
منار أتصلت برؤى وخبرتها عن مهند من طأطأ لسلام عليكم .. رؤى ما صدقت بالأول .. لين ما حلفت لها ..
ولما سكرت منار راحت رؤى لعند رضى اللي كانت فرحانه بالحيل لرجعه مهند..
حصلتها ع الكمبيوتر: رضوه من تتوقعي الحين متصل فيني
رضى: ومنو يعني؟!
رؤى: منار بنت خالتي سعاد
رضى لفت لصوبها:احلفي
رؤى: وربي
رضى بلهفه: جولي شو قالت ؟ مهند رجع وكيفه؟! أكيد بيجي يخطبي؟
رؤى والابتسامه تختفي رويدآ رويدا:.......
رضى: ايش فيك؟ ليش تغير وجهك؟ .. مهند فيه شي جولي؟
رؤى: لا ما فيه شي عال العال بس
رضى: بس شنو؟
رؤى بتردد: بصراحه طلع متزوج رضى فتحت عيونها للآخر: ط_ل_ع_ مت_ز_وج وربك
رؤى: وربي .. وازيدك من الشعر بيت عنده ثلاث اولاد .. ورد البلاد عشان يخبر اهله عن زواجه ويعرف زوجته على أهله .. وبعدها بيروح يستقر ف امريكا ..
رضى والدموع مليانه عيونها:خلاص رؤى تكفي لا تكملي
رؤى: هذي نهايه الحب من طرف واحد
رضى ركضت للحمام عشان تذرف ما بقى لها من دمع
ليش بعض الناس بكولي عيونــــــــــــي
ويا خساره ما بكوا مره عليــــــــــــا
ويا خساره ما بكوا مره علــــــــــــيا
بعد ثلاثه أيام طلعت لمى من المستشفى .. واتفقت مع مها انها تجيب أي شي حتى ولو شعره عشان الفحص DNA‏ اللي بتسويه حق ولدها .. وبما إن مها معاه بنفس البيت سهلت عليها المهمه وبدون زيد ما يحس بشي ..
أتى اليوم الموعود وطلعت لمى ومها ع العياده الخاصه .. بعد ما قالت حق أمها ان ولدها مسخن وبتروح العياده مع صديقتها.. وصلت وعملت التحليل المطلوب .. وخبروهم ان النتيجه بتطلع بعد ثلاث ساعات .. وجعدن ينتظرن على نــــــــــــــار .. كل وحده خايفه أكثر من الثانيه... الجو متكهرب والتوتر والخوف ظاهر عليهن .. مر الوقت بطي جدآ وأتى وقت الجد .. اللحظه الحاسمه .. المنتظره .. سمعت لمى الممرضه تناديها وقامت بسرعه وحاسه رجولها مو شايلتها تمشي وكل خطوه تخطيها ألـــــــم .....
رويد قال حق ابوه عن خالد وانه خطب روعه... وبعد مشاورات الأهل وافقوا عليه والكل فرح لروعه ... وحددوا يوم الخميس موعد الخطبه الرسميه .. روعه وايد استانست وهي لين هذا الوقت ما تدري ان خالد مصاب بالايدز واحتمال كبير انه يكون نقلها المرض .. وخالد قرر يخبرها يوم العرس بالحقيقه والواقع المر اللي راح تعيش فيه .. أما رامي قرر انه يرجع لمى لعصمته لأنه مايبي لولده انه يتربى بعيد عنه ...
طلعت نتائج التحاليل ...
ولمى ف حاله لا يرثى لها .. لحد ما نطق الدكتور وقال:
Negative result
أي ان النتيجه سلبيه
لمى ما صدقت روحها طارت من الفرحه وقالت :الحمـــــــد لله ياربي .. الحمد والشكر لك يارب
ومها فرحت وايـــــــد لصديقه عمرها لمى ..
مرت الايام بسرعه وأتى يوم عرس روعه .. والكل كان فرحان ومستانس الا رويد اللي بطول الوقت حابس نفسه بغرفته كان فرحان بقلبه ولكن ما اظهرها قدام احد مع ان خالد كان صديقه واقرب واحد إله .. كانت روعه طالعه روعه بمعنى الكلمه بفستانها الأبيض الطويل .. وتسريحتها البسيطه .. وبعد رضى ورؤى طالعات جنان .. شكل واحد ونفس مديل الفستان ونفس التسريحه.. ولا أحد يقدر يميز بينهن .. ورغد بعد طالعه حلوه وكل وقتها ترقص وتنافس زميلاتها ف الرقص ...
مضت ساعات العرس بسرعه .. وراحوا العرسان الفندق.. وخالد بطول الوقت كان متوتر وما عارف شو يقول؟ او كيف يبدئ ؟ وبطول الوقت كان ساكت .. وروعه لاحظت توتره وما حبت تقول شي لين ما وصلوا الفندق .. ودشت روعه الغرفه وجلست ع طرف السرير أما خالد ظل واقف ع الجدار وعقله مو معاه بلمره ...
روعه : ليش واقف حبيبي
خالد: .......
روعه: خلـــــــودي حبيبي أنت تسمعني
خالد الحين انتبه ع نفسه: ها تكلميني
روعه: وين راح عقلل حبيبي
خالد: تصدقين بعـــــــيد بعـــــــيد
روعه: وين يعني بعيد؟ أنت مو فرحان مثلي
خالد: فرحان وحزين
روعه: ف يوم عرسنا حزين_ ليش؟
خالد بتردد: لأني بصراحه
روعه: ليش متردد
خالد: لأن الكـــــــلام اللي بقولك اياه الحين خطير وراح يزعلك مني وايد _ ويمكن ما بتسامحيني ابد
روعه: خوفتني ..
خالد بعده على نفس وقفته : أنا ادري انك ما بتسامحيني بطول حياتك بس راح اجولك
روعه :جول تكفى خوفتني
خالد قرب منها وخلى عينه ف عينها : انا مصاب بالايدز
روعه : ا ي د ز
خالد: وربي من سنه تقريبآ عرفت_ من صارلي الحادث
روعه وعيونها مليانه دموع: أنت نقلت لي المرض صح
خالد: أتمنى ان هذا الشي ماصار.. بس ما كنا ما خذين احتياطاتنا وانتي تدرين؟
روعه بصراخ : ومن وين جاك المرض؟
خالد نزل راسه :..........
روعه: بنات أكيد _وأنا اللي كنت واثقه فيك _ بس أنا استاهل _ وثقت ف واحد مثلك حقير خاين
هذا جزات ربي فيك_ وجزات ربي فيني _ لاني تزوجتك بدون علم أهلي_ وخنت ثقه أهلي فيني _أنا استاهل
خالد: روعه هدئ اعصابك شوي
روعه: أنت ليش تزوجتني؟
ليش خطبتني من اهلي؟
ليش؟ ولا تبي تقتلني مرتين
خالد: احلفك بالله تهدئ حبيبتي
روعه بصراخ : حبيبتك .. أنا ما أبي منك شي ياحقير .. ابعد عني لاتلمسني ياكلب
خالد وعيونه غرقانه دموع: أنا ادري انك ما بتسامحيني ابدآ _ بس هذا قدرنا ونصيبنا ف الحياه شئنا أم أبينا_
روعه بكت بكت وبكت لين ما بقى ف عيونها دمع .. وخالد كان يتقطع قلبه كل ما صد وشافها .. حاول انه يقرب منها يحظنها يواسيها يسوي أي شي لأجلها _ لكن للأسف العين بصيره والييد قصيره _ ما بيديه شي _ الا يدعو ربه
والندم شي أكيد ما راح يفيـــــــد
مرت الأيام والحلم انهـــــــدم
لو ندمت الحين شيفيد النـــــــدم
ما بقالي شي غير الله يعيـــــني
لا لا أنا ما اتمنى دموعـــــــه
لا ولا هم بصفاتـــــــه
يلي راح وخلى جلبي هايـــــــم بذكرياتــــــــــــــه
كان وسط القلب ساكـــــــن
وفجأه غاب من الأمـــــــاكن
يتعب الواحد ولكــــــــــــــن
لازم يكمل حياتــــــــــــــه
لازم يكمل حياتــــــــــــــه
جولوا شو يسوي بنفســـــــه
قبل لا عقله يجـــــــن؟!!
والحين راح اكتب نهايته كل شخصيه من شخصيات القصه
رويد حالته النفسيه وايد تعبت ف الفتره الاخيره واظطروا يجيبو له طبيب نفسي.. لأنه حاول ينتحر لو ما لحقوا عليه ف الوقت المناسب ..
العجز الدائم والوحده هم أهم اللي مضعف حالته.. من بعد ما كان يسرح ويمرح صار عاجز لا حول له ولا قوه
رؤى ورضى:رضى قررت تعيش حياتها وتنسى شي اسمه مهند لأنه حبها كان من طرف واحد _ ومهند بنفسه ما كان يدري عن شي_ والمفاجأه ان رؤى انخطبت حق اخو صديقتها _ وخطيبها ما كان يميز بينها وبين رضى دايم يغالط بينهن_ ورضى مو مقصره معاه لاعبه الدور عدل_
وآخيرآ التوأم راح يفترق؟!
أما روعه من بعد ما تأكدت من وجود الفيروس بدمها.. قررت تواصل حياتها مع خالد عادي .. ومن دون أهلها ما يعرفوا أي شي _
اما لمى رجعت حق رامي _ وعاشوا مع بعض أجمل حياه ومع ولدهم _ وكل واحد منهم نسى ماضيه _ وفتحوا صفحه جديده تتطلع نحو مستقبل مشرق ..
الـــــنـــــهـــــــــــايــــــــــــه
أتمنى ان قصتي الثانيه اعجبتكم
وتكون النهايه مناسبه لجميع شخصيات القصه.. صحيح ان قصتي هذه من خيالي ولكن في ناس كثيره عاشوها قصص حقيقيه في ارض الواقع.. والقدر ياما ظلم ناس وياما نصف ناس وفي كلا الحالتين_ الانسان مخير _ فشق طريقك بيدك واختار طريق الصواب دائمآ _ ولا تبدآ حياتك بالغلط اذا كانت بدايتك غلط فتفسد كل شي لآحقآ_ والندم لن يفيدك ابدآ بل سيزيدك حيره وقلق وخوف من المستقبل ..
فاختار طريق الصواب من البدايه لتعيش حياه سعيده هادئه مستقره ناجحه لاحقآ